ربنا سبحانه خلق الإنسان وكرمه على باقي المخلوقات فما تجيش أنت وتفضل الحيوانات على البشر، صحيح ربنا أمرنا بالرفق بالحيوانات وحسن معاملتها لكن ما أمرناش إننا نفضلها على البشر.
أنا هنا مش باتكلم على اللي مربي كلب أو قطة لأ أنا باتكلم عن اللي بيشتري أكل مخصوص لكلاب الشوارع واللي عنده اكتر من قطة وبيصرف عليهم مبالغ وفي نفس الوقت بيستخسر يدي ناس فقراء صدقة أو أكل هي دي الرحمة؟! هياكل الفراخ أو الرجلين حتى فيه ناس بتشتريها تاكلها وناس ماتقدرش حتى تشتريها فالناس دول أولى من كلاب الشارع اللي ربنا خلقهم بفطرتهم يدوروا على أكلهم وهو اللي بيرزقهم.
عارفة إن ناس كتير هتهاجمني وهتقول إني ماعنديش رحمة لكن دي قناعتي ربنا فضل الإنسان وكرمه على باقي المخلوقات يبقى هو له الأولوية في حنيتك ورحمتك حتى لو كان ما بيطمرش فيه ربنا ماقالش طلعوا الصدقات للفقراء الطيبين والأشرار لأ إنما قال للفقراء والمساكين.
استقيموا يرحمكم الله.
2
-2
