الملكات المصريات زمان
كانوا بيتربوا على تحمل المسؤولية والثبات في المواقف الصعبة.
مثلًا الملكة إياح حتب
مرات الملك سقنن رع مات جوزها في سبيل الحرية وكانت بتسانده بقوة، وشجعت أولادها الاتنين بعده على مقاومة العدو وتحرير البلاد؛ كامس مات في الحرب، وفضلت تشجع أحمس لحد ماحقق الحرية وطرد الهكسوس لبعد حدود مصر، والملكة أحمس نفرتاري زوجة أحمس اللي وقفت جنبه لحد ما انتصر وحقق استقرار الدولة.
أما الملكة تي فهي أول ملكة من الشعب، لكنها اتأقلمت مع مسئوليات المُلك وبقت ملكة بجد وحافظت على العرش لإبنها إخناتون من سفه جوزها، وساندت ابنها في دعوته للتوحيد لحد ما تآمر عليه كهنة أمون و فجأة اختفت من كتب التاريخ وماحدش عرف حصل لها إيه.
أما حتشبسوت فهي ملكة ابنة ملك وزوجة ملك وتولت الحكم كوصي على الملك وعهدها كان كله رخاء وتبادل تجاري.
حكايات التاريخ مالهاش حصر عن عظمة الست المصرية وجدعنتها وقوة شخصيتها، وبرضه مليان بحكايات التآمر والتدخل في أمور المُلك.
1
-2
