الجواز علاقة مبنية على المودة والرحمة وغرضها تكوين أسرة وإشباع حاجات جسدية ونفسية واجتماعية وعاطفية. فاختيار الزوج مهم جدًا وعشان كده باقولك ما تتجوزيش أي حد عشان كلام الناس اتجوزي اللي يصونك العمر كله فما تتجوزيهوش لو:
١-ماكانش سند لك في كل ازماتك قبل أفراحك.
٢-بيتباهى قدام الناس بشكلك او وظيفتك اكتر ما بيتباهى بأخلاقك وطباعك.
٣-ما بتحسيش معاه بالأمان ودايمًا خايفة منه لأي سبب.
٤-بيمنعك من النجاح ويقف في طريق طموحك والنجاح هنا في الدراسة والشغل وممارسة هواية وحتى لو مش بتشتغلي يشجعك تكوني زوجة وأم ناجحة.
٥-ماكانش مصدر سعادتك ووجوده في حياتك سبب بهجتك.
٦- أناني ومغرور لأنه عمره ما هيحس بيكي ولا هيحبك ولا هيبذل عشانك اي جهد ودائما بيفكر في نفسه واحتياجاتها وبس.
٧-ماكانش بيحبك ويخاف عليك ولا بيحترمك وممكن يهينك في أي وقت وقدام أي حد.
٨-كان بخيل لأن البخيل في مشاعره بخيل في ماله بخيل في مساندته لك ولو اتجوزتيه الحقي انفدي بجلدك منه قبل سنين عمرك ماتضيع هدر.
٩-كان سبب جوازك بس الهرب من كلمة عانس او خوفك من نظرة المجتمع فأنت غلطتي غلطة عمرك في حق نفسك وحقه وحق أولادك.
١٠-ماكانش راجل بجد يصونك ويخاف عليك وقبل ده كله بيخاف ربنا في السر والعلن.
١١-لو كان ابن ماما لأن ده مش راجل ده طفل حجمه كبير لكن ماينفعش يشيل مسئولية ولايربي اطفال.
١٢-لو ماكانش مالي عينك ومش مخليكي تشوفي غيره او تقارنيه بغيره.
الجواز مش مجرد علاقه عشان نرضي الأهل والمجتمع إنما هي علاقة شراكة هتعيش العمر كله ولازم تتبني على اساس صح وإلا هتنهار وينهار المجتمع.
2
-2
