الإنسان الكائن الوحيد على الأرض اللي ربنا منحه العقل وبالتالي حرية الاختيار.
كائن حر في كل اختياراته لكن عليه إنه يدفع تمنها، ممكن يدفعه كله في الدنيا، وممكن كله في الآخرة، وجايز جزء في الدنيا وجزء في الآخرة، المهم إنه هيتحاسب على كل اختياراته حتى لو كانت بسيطة.
وانت بتختار طريقك وبتاخد قراراتك حط في اعتبارك لحظة الحساب، لأن ناس كتير بتحسب نتايج اختياراتها في الدنيا وبتتغافل عن الحساب اللي هتدفعه.
كمان فيه ناس بتقلد اختيارات غيرها وفاكرين إن دي السعادة وده غلط مالكش دعوة باختيارات غيرك لأنك مش هتتحاسب عنها إنما هتتحاسب عن اختياراتك لوحدك وهم مش هيتحاسبوا بدالك.
أنت صحيح حر لكنها مش حرية مُطلقة، لأ حرية محدودة بحدود، وشرطها إنك ماتضرش غيرك وتكون على استعداد لتحمل نتيجة اختيارك في الدنيا والآخرة.
يا ترى أنت مستعد؟ ولسه شايف إنك حر وبتقولها بثقة كبيرة؟
2
-2
