زي ما وسائل التواصل الاجتماعي لها مميزات فهي برضه لها عيوب ومنها إن أي حد قاعد ورا الشاشة يقدر يحكم على أي حد ويهاجمه ويشتمه ويدعي عليه وده يدمر الطرف الآخر نفسيًا.
إن أي حد ممكن يألف كدبة أو يشوه سمعة حد أو يزيف حقيقة عشان مصلحة شخصية وأحيانًا بسبب حقد وغالبًا بسبب الترند.
وأهم أمراض السوشيال ميديا جنون الشهرة وركوب التريند بأي وسيلة وجمع المال السريع وده مش بس اقتصر على الفقراء الجهلاء لكن بقى مرض اجتماعي يسعى له معظم الناس بمختلف الطبقات. ومش مهم تبقى تريند بكذبة أو بهتك ستر بيتك وأهلك أو حتى بالسخرية والافتراء على غيرك لكن المهم تتصدر التريند وتبقى مشهور وغني.
خلال يومين قرأت أكتر من مرة حد بيقول إنه هيختصم الناس اللي شوهوا سمعته وسخروا منه قدام ربنا سبحانه وتعالى يوم القيامة..أنت متخيل حد يختصمك قدام ربنا عشان بتستخف دمك وتتريق عليه؟ أو تقل أدبك وتشتمه؟
للأسف السوشيال ميديا من عيوبها إنها فتحت الباب لمعدومي التربية والضمير إنهم يطلعوا علينا أمراضهم النفسية.
اتقوا الله وأعرفوا إنكم هتتحاسبوا على كل كلمة سواء منطوقة أو مكتوبة.
2
-2
