جميل إنك تشجع فريقك وتتحمس له، وجميل إنك تفرح بمكسبه، ومقبول إنك تهزر مع أصحابك وحبايبك من الفريق المنافس بس من غير ماتزعلهم.
لكن مش مقبول أي عنصرية أو تنمر أو شتائم أو أي فعل غير أخلاقي ضد المنافس، ديننا بيرفض التعصب وبيحضنا على التسامح، وكمان الرياضه أهم ميزة لها إنها بتعلمنا إزاي المكسب يكون حافز لمكاسب أكتر وإزاي أتقبل الخسارة عادي وأشتغل وأحولها لنصر.
وأهم حاجه الرياضه بتعلمها للإنسان إن الطرف الآخر منافس مش عدو وبعد المباراة نسلم على بعض ونتقبل النتيجة مهما كانت وندور على أخطائنا ونصلحها.
لو الرياضه ماعلمتناش الأخلاق يبقى بلاش منها ، والكلام ده لكل المتنافسين والمشجعين والمسئولين لازم نلحق الشباب الصغيرين ونعلمهم ونفهمهم قبل ما نفوق على جرائم بإسم حب الفريق.
2
-2
