لكل إنسان أولويات تختلف عن غيره لأسباب كتير منها طبيعة الشخصية وطريقة التربية والبيئة المحيطة وأهداف الإنسان.
بمعنى أوضح اللي انت شايفه ضروري جدًا في حياتك غيرك شايفه عادي او مجرد كماليات، وحد تاني شايفه مالوش لازمة ، فما تلومش الناس على اختلاف أولوياتهم عنك وركز في حياتك وحدد أولوياتك حسب إمكانياتك وأهدافك.
فيه ناس أولوياتهم المال أو المناصب، أو متع الدنيا أو العلم أو الحب أو السعادة وناس أولوياتهم رضا ربنا والجنة ومش في دماغهم الدنيا، وفيه ناس عايشين في الدنيا من غير هدف بياكلوا ويشربوا ويناموا لحد ما عمرهم ينتهي.
بس أهم حاجة إنك تفتكر إنك أنت اللي اخترت وهتتحاسب على اللي اخترته، و مهم إننا كل فترة نقف ونفكر في حياتنا ونعيد ترتيب أولوياتنا حسب الخبرات اللي كسبناها وحسب احتياجاتنا وأهدافنا والأهم إمكانياتنا وما تحاولش تفرض أولوياتك على غيرك.
1
-2
