" و لا تقربا هذه الشجرة ..."
قصة سيدنا آدم من اكتر القصص اللي ممكن اسرح و اتأمل فيها غير اي قصص لأنبياء آخرين ....
كنت بستغرب ان قصة سيدنا آدم متكررة كتير ف القرآن و بنفس الآيات تقريبا ... غير قصة سيدنا موسي أو سيدنا عيسي مثلا ... فيها اختلاف ف الآيات او اجزاء مختلفة من قصتهم .... لكن قصة سيدنا آدم تكاد تكون هي هي نفس الآيات .... يمكن لأن حياتنا كلها تتشابه مع قصة سيدنا آدم .... ربنا خلقنا زيي ما خلق سيدنا آدم ... سخرنا لنا الكون ... زيي ما الملائكة سجدت لسيدنا آدم .... ساب له الجنه كلها يأكل و يشرب منها كيف يشاء و منعه عن شجرة واحدة فقط .... زيي من ربنا احل لنا كل حاجة و نهانا او منعنا عن جزء لا يكاد يذكر قدام كل المسموح و الحلال و المتاح ....سيدنا آدم ساب كل المتاح و المسموح و فكر ف الممنوع .... زيي ما احنا بننسي كل النعم اللي معانا و نبص علي الناقص بس ....
زيي ما كل واحد عيشته ممكن تكون رغداء لو بس انتهينا و لم نقترب ...
و " و لا تقربا ..." "هذه الشجرة " ... ربنا ممكن ينهانا عن الاقتراب من حلال مش بس حرام .... الشجرة مش حرام و ظاهرها مفيهاش حاجة تتضر .... لكن ممكن ربنا يمنعنا او يحرمنا من حاجة و بعدين يظهر لنا سؤها لينا ...
ربنا قال لا تقربا مش لا تأكلا ... لأنه عارف الضعف اللي بيكون فيه الانسان لو اقترب ... فكتير احسن انك متراهنش علي نفسك انك ممكن تقاوم .... و ابعد و لا تقترب ....
التوبة سهلة و مش محتاج تعذب نفسك ... ربنا تاب علي سيدنا آدم بكلمات قالها ... ربنا رحيم ....
2
-2
