حكاية "لازم أعيش " من مسلسل إلا أنا ....

الحلقات عرضت قصص بجانب القصة الرئيسية لبطلة الأحداث المصابة بالبهاق و اللي والدتها علمتها انها متواجهش مشكلتها و متتقبلش نفسها بأنها تتداري و تستخبي خلف قناع بيخفي حقيقتها ... حقيقتها اللي هي أنها مختلفة عن العاديين ... و لأن الناس بتخاف من المختلف فأبسط حاجة بيعملوها انهم بيداورا خوفهم بأنهم يضايقهوه بكلامهم ...

القصص كلها كان البطل فيها "عدم المواجهه" ...

"البطلة" ... مواجهتش حقيقة اختلافها .. و غطته بمكياج عشان تبقى زيي الباقيين و تحمي نفسها من كلامهم و نظراتهم ... و في المقابل حرمت نفسها انها تبقى فعلا زيي الباقيين.. تلبس و تتحرك و تاكل و تتعامل بحرية من غير خوف و قلق وقوع القناع ...

"الأم" ... دارت على بنتها انها متجوزة ... و فضلت حاطة قناع الأخلاص لزوجها... و معرفتش تعيش تاني و تسمح لنفسها بمشاعر من حقها و فضلت ف صراع ما بين حقيقتها و زيفها ...

" الأب " ... رغم انه كان بيحاول يعلم بنته انها تحب نفسها و تقبلها نفسها زيي ما هي ... هو نفسه خبي و داري مرضه عن عيلته و مواجهش المرض بالبحث عن علاج و استسلم للموت ...

"الزوج التاني" مقدرش يواجه أولاده برغبته من الزواج و قرر ما بينه و بين نفسه اعتبار زوجته الأولى غير موجودة عشان ميحسش بالذنب انه هو اللي اتسببت ف مرضها بسبب حادثة سيارة ...

حتى اللي حب نور و عرف حقيقتها اللي مخبياها ورا قناع المكياج ... ووقف متفرج على كل الأحداث و هو عارف ان مشاعر تاليا بتكبر من ناحيته ... بس اختار انه يداري و ميعترفش

الغريب ان الشخصية الوحيدة اللي كانت واضحة و صريحة و وواجهت مشاعرها و اعترفت بيها في شجاعة و حاولت ... هي تاليا" صديقة البطلة و الداعم لها من طفولتها حتى اللحظة الأخيرة و هي من خسرت الجميع من النهاية ... ????

اعتقد انها لم يكن لها مكان وسط ناس اعتادوا على المداراة و عدم المواجهه و لم يكونوا ف نفس شجاعتها ...

تاليا هي من تستحق أن تعيش ????