رمضان اللي فات السوشيال ميديا كان مقلوب كله عشان مربوحة ... نجمة الكوميديا القادمة ... مكنتش بفتح الفيسبوك بوك إلا و الاقي مربوحة و بوستات عن نجاحها الكبير الفائق للمتوقع ...
قولت اتفرج عليها... و شفت كام حلقة ... اداءها عادي جدا جدا كمان ... مفيهاش اي اجتهاد او كاريزما شخصية مفروض بيتميز بيها الفنان الكوميدي ... بس عادي احنا معايرنا بقت مضروبة و بايظة ع الآخر ... اللي يخلي الناس شايفة مسرح مصر كوميدي و شوية العيال اللي فيه نجوم كوميديا ... يبقى هايشوف مربوحة نجمة كبيرة ... بس اللي فاكر و فاهم ان واحدة زيي سعاد نصر و نادية فهمي و قبلهم وداد حمدي و ماري منيب هما دول نجمات الكوميديا الحقيقين و انا هنا قولت اللي بيطلعو جنب البطل الأساسي مش واخدين بطولة مطلقة هايبقي فاهم ان المسافة كبيرة اووووى بين مربوحة صناعه السوشيال ميديا و بين النجوم اللي ضحكونا و مازالو بيضحكونا لحد دلوقتي ....
الفنان الكوميدي اللي بيقوم بدور جنب البطل بيكون له تواجد و بيدي للمشهد روح حتى لو متكلمش ... كاريزمته بتفرض نفسها ع النص نفسه ... مربوحة كانت بتأدي الدور حفظ مسطرة مش اكتر كل الحكاية ان مطلعش دمها تقيل .... بصو عليها لما بتخلص جملتها ... و لا حاجة و لا اي نفس المشهد خلاص مش بيكون بتاعها و كأنها خلصت الكلمتين اللي حفظتهم و مستنية تقول اللي بعدهم ....
ربنا يرحم نجوم الكوميديا الحقيقيين ... اللي فعلا انا بعتبرهم و بعتبر مشاهدة افلامهم علاج في أوقات كتيرة ...
2
-2
