أنا سيلين ديون

I Am: Celine Dion

 فيلم وثائقي عن سيلين ديون ... بعد إعلان أصابتها بمتلازمة الشخص المتيبس "SPS :Stiff person syndrome " مرض بيصيب الجهاز العصبي و العضلي هيمنعها من الغناء و ممكن الحركة ... و زيي ما قالت ف الفيلم عن نفسها ان صوتها كان هو "قائد حياتها" ... و هي مكنش عندها مشكلة في انه يقودها ... لإنها في الأخر مستمتعه بده ...

سيلين ديون اغانيها و صوتها و اداءها و كلمات اغانيها بتدي روح و حياة بقوة ... و هي من الناس يتقال عليهم مفعمين بالحياة ... الفيلم جاب صورة قريبة للمغنية الجميلة سيلين ديون ... الصورة القريبة دي وضحت تفاصيل كتير ... ليه هي نجاحها مكنش عادي ... من بدايتها و هي صغيرة وسط عائلة ركيزتها الأساسية الحب و الدعم ... لزوج محب و داعم و زواج استمر طيلة حياتهم ... لفريق عمل بيعمل عشان كل واحد يطلع احسن ما عنده ... و كله عارف ان مركز الدائرة هو سيلين ديون ... و هي فاهمه ان نجاحها كان بيهم ... كل واحد عارف موقعه ف الدائرة و دا اللي منجحهم كلهم ... 

و زيي ما هي قالت عايز نجاح سريع اشتغل لوحدك ... عايز المجد اشتغل مع آخرين ...

و رغم ان الفيلم اتعمل عشان يوضح لمعجبينها ف العالم هي توقفت عن الغناء ليه و عن المرض و تأثيره عليها و على حياتها ... و رغم ان المرض نادر و حالة صعبة جدا ... إلا أنها برضو بتدي قوة و جمال كعادتها في اغانيها ❤️

الفيلم رائع و ملهم و مؤلم ... 

سيلين ديون زيي ما اغانيها قوية و صوتها قوي ... كان حظها من الألم برضو قوي ... و عشان هي مش عادية كان صمودها كمان قوي ...

سيلين ديون ... The power of love ❤️