بعد ما سمعت كل الفيديوهات تقريبا على قناة سامح سند ... و اللي أدمنتها معرفش ازاي و ليه اصلا ... اقدر اقول ب قلب مطمئن ... إن الستات سبب اغلب جرائم القتل ... يا إما هي اللي قتلت يا إما محرضة عليه أو مشتركة فيه بطريقة أو بأخرى ...

و أغلب جرائم القتل اللي بسبب الستات بيكون معاها خيانة ... ما الأسهل انها تتطلق ... ليه تخون و لسه تقتل ... هو الطلاق أصعب من القتل و الخيانة ؟

مغلطش المثل ال فرنساوي "cherchez LA famme" 

 اللي مش قادرة افهمه ... ازاي حد يقترح على حد تاني انه يقتل و التاني يوافق عادي ! ...

 ازاي حد يطلب من واحد صاحبه يتخلص من جثة و التاني يقول ماشي عادي! ....

 ازاي و ليه حد ملوش علاقة بجريمة أو مصيبة كبيرة يورط نفسه مع مجرم ... شايفها جدعنة مثلا .... و لا دا تغييب و عدم إدراك ... و لا عدم احساس ببشاعة الجريمة ... و لا عدم احساس من كله ... لدرجة انه مش حاسس مودي نفسه على فين دنيا و آخرة ...

ايه النفس البشرية دي ...