من غير ما تبص ... بتحس ان في حد بيبص عليك ... و لو وجهت عينك بشكل سريع هاتتأكد انك صح ....

من غير ما اللي قدامك يتكلم ... بتحس بشعوره ناحيتك سواء حب او كره و لو أظهر العكس ... و الأيام بتثبتلك صدق احساسك ... 

من غير اي اسباب منطقية ... بتحس انك مقبوض او مرتاح ... و بعد شوية هتلاقي الأسباب بتظهر و بتعرف سبب شعورك ... 

يعني احساسك بيدلك طول الوقت و ديما الأسباب بتيجيي بعدين ...

 لما تحس انك عايز تعمل حاجة... اعملها ف لحظتها و اتأكد أن دي هي اللحظة المناسبة تماما ...

لما تحس انك عايز تقول حاجة ... قولها... يمكن الفرصة متجيش تاني .. و تكون دي اللحظة الوحيدة اللي قدامك ... 

لما تحس انك عايز تاخد قرار ... خده متترددش لان الاحساس اللي بيجيي من غير اسباب دا بيكون أصدق احساس ممكن يكون عندك ... بيكون هو الصح قبل ما تشوشر عليه بأفكارك .. حساباتك ... و تحليلاتك ... بيبقى هو الاحساس النقي المنقذ ...

بيقولوا العين عليها حارس ... عشان عينك بتغمض لوحدها من غير قرار منك لو حست بخطر ...

احنا احاسيسنا اللحظية اللامنطقية دي "حارس عظيم" بينقذك من مواقف انت مش بتكون مدركها في اللحظة دي و بتبان بعدين .... زيي احساس العين بالخطر قبل ما انت تدركه بالظبط ...

اتبع احساسك و هاتفهم بعدين ...