اوقات بحب حريتي واوقات بحتار ف غربتي 

مجنونة وعاقلة ومشاكل بعديها بكون صلبة ف مواقف والهشاشة ف قلبي بتضعفني ف مواقف تانية.. اكابر واعاند وتشوف جبروت ف عيون وبعدين تلاقيني حاضنة بقلب ام بتنجي ابنها من الموت بجنون ... انا الغربة تنهش ايامي ومترحمش حلم بحاول اوصله. انا اللي معايا 100 طريق بس مش عارفة امشي فيه ولا هدف اوصله.. 

انا سقف بنيته من قش انا اللي حبيت ومتحبتش انا القلب اللي طول عمره بيدق لقلب واحد بيه محسش 

.. انا الثورة ف وقت الموت انا الهزيمة ف وقت سلام السكوت 

هتشوفني دلوقتى متعرفنيش بس قلبك معايا محفوظ وتشوفني بكرة متعرفنيش وهتلاقي روحك بتحميني من اي خوف 

.. حب باهت ملامحه تاهت ف وسط دوشة الزمن انا اللي عمرك معايا هتبيعه من غير تمن.. انساني وابعد وان حاولت اقربلك اعند لاني بحبك اكتر من نفسي ولان نفسي الاقيك لو ملت عليك تسند.. فمتحترش وابعد عشان انا خايفة تكون ف متاهتي سراديب كبيرة وعليها مقدرش.. انا اللي تايهة من روحي بيزورني طيفها مرة وسنين كتير عليا مبتسالش...

.. نجوي الضوي