في لحظة سكوت … بييجي صوت جواك يقولك كفاية… أنا تعبت..
صوت مش بيلومك لكن حزين ومرهق وتايه…
تحس إن الدنيا كلها بقت ضيقة وإنك عايز تهرب من كل حاجة حتى من نفسك.
الناس حوالينا ساعات مش بتشوف غير وشوشنا…
بس محدش بيسأل إنت عامل إزاي من جوه؟
الانتحار مش شجاعة…ولا جبن…
هو لحظة ضعف مؤلمة…
لحظة بيكون فيها صوت الوجع أعلى من أي صوت تاني حتى من صوت الأمل.
بس الحقيقة؟
فيه دايما حد كان هيتألم لو اختفيت.
فيه عين كانت هتدمع وقلب كان هينكسر حتى لو مش باين دلوقتي.
ويمكن وسط العتمة يكون فيه نور بسيط… مش لازم يكون حل بس يكفي يطمنك إنك مش لوحدك.
ربنا اللي عالم بوجعك يكون بيحضر لك حاجة أجمل من كل اللي راح.
يمكن الحكاية لسه ما خلصتش.. يمكن انت بتمر بـفصل صعب.. مش النهاية .
احكي…
حتى لو الكلام تقيل حتى لو مفيش رد.
بس متسكتش ..متكتمش .. متقفلش الباب على روحك.
لأنك تستاهل تعيش وتفرح وتتشاف…
وتكمل. انت مش لوحدك ..
2
-2
