عايش في قوقعه

بتقضي اليوم

معزول وبعيد

وكلامك كله وعيد

وما عادش ما بينا كلام

لا أنا معاك على قولك

ولا أنت معايا

أنا في وادي وأنت في وادي

وما بينا الصوت بينادي

وما عادش ما بينا كلام

بانده في الفراغ ولا انت سامع

وأقول وأهادي ولا أنت راضي

 ما تقولي شايل إيه؟

ده أنا ظهري انحنى من اللي أنا فيه

وما عادش ما بينا كلام

 يا شايف وعامل أعمي

وسامع وعامل أطرش

ماشي بكيفك، طب أنا فين؟

أنا أقول يمين تمشي شمال

والشمال سكه والسكه عتمه

وما عادش ما بينا كلام

تعالا معايا يمين نعيش إحنا الاتنين

وإلا اقولك خليك شمال

ما أنت في حال والكون في حال

إلبس قناع عشان يقولوا إنك حمل

وأنت يا غادر ديب وكاسر بثوب حمل

وما عادش ما بينا كلام

على مين بتكذب؟ والكل عارف

بس مخبي كل الكلام جوه الشفايف

قلبت الآية وصبح المغدور في عيون الناس هو الغادر

أواه من الجرح وآهات مش آه

وما عادش ما بينا كلام

كله ضاع وكله مع الريح طار

حتى اللي المفروض كانوا أصحابي بقوا من الشطار

عن نفسي راح أنسى الكل وأقول سلام

للي نسى العشرة وما صان

يا رب مستنيه نصرتك ليا

وبكده خلص الكلام.