دخل دیاب فصمتتا في حضرة ھیبته ووقاره، نظر لھما نظرة حانیة، وجلس مشیرًا لھما بالجلوس
- عرفوني بنفسكم یا بنته، وإلا أجول لكم استنوا آني ھاعرفكم لحالي، إنتي رابحه، إنتي الخالج الناطج أمك چازیه في شبابها، وانتي ملیكه فیكي كتیر من أمك نواره.
ابتسمتا وقالت رابحه: أنت عارف أھلنا یا حاج.
- أمال إیه، الچازیه ونواره دول غالیین ولاد غالیین، وآني اللي دسیت أمك الچازیه لمن حبت تھرب من عمك عمران، عشان إكده ما وصلھاش یا بتي،
اسمعوني زین، جوازكم من فھد وطایع ھو اللي ھیوجف الدم.
صرخت رابحة: نھار أسود ھو انتي اللي فھد ھیتجوزك.
وصرخت مليكة: انتي اللي طایع ھیتجوزك.
دق دیاب الأرض غاضبًا:
- آني ما اتجاطعش یا سلسال العبابسه والحطابین، اسمعوا وانتو ساكتین(صمتتا) شرارة الدم نایمه ولو ولعت مش ھنخلصوا وأول اللي هيموتوا بيها هم فهد وطايع.
دخل الغفیر:
- السماح يا شيخنا، بس فیه حرمه بره طالبه تجابلك، وبتجول لازمن تعرفك حدیت مھم جبل ما تخلص جعدتك مع الصبایا، موضوع يخص الجوازه.
خرج الكبیر لیقابل السیدة التي لم تكن سوى صبیحة: صبیحه، خیر مالك؟!
- یا كبیر، ولدي طول عمره بیحلم یلاجي رابحه، وحرام ینحرم منیھا بعد ما لاجاھا.
- بس انتي خابره یا صبیحه اننا بنمعنوا دم أول ما یطول ھیطول ولدك.
- بس ولدي بريء.
- عارف، بس ده جدره یضحي بحبه عشان العبابسه.
ردت بقھرتھا على ولدھا وعلى رابحة: واللي عمل العمله یعیش بكیفه، یحرم المحبین من بعض زمان وكمان دلجيت، ذمبهم ايه البنته الصغار يتحرموا من رجالتهم، اللي كبرت وهي عارفه إنها لطايع، واللي عاش على أمل يلاجي نصه التاني.
نظر لھا نظرة متفحصة: انتي عارفه مين اللي عمل العمله یا صبیحه؟!
صمتت، ثم زفرت بقوة، ثم ھزت رأسھا بنعم.
- فیه شھود على حدیتك.
- أیوه فیه شھود معایا، مره وراجل، بس لازمن تحميهم وتديهم الأمان.
- اطمني، ھتشھدي في المجلس یا صبیحه.
صمتت طویلًا ثم زفرت زفرة طویلة: ھاشھد، لھنیه وكفایه، اللي غلط یشیل غلطه آني صبرت كتیر واتحملت أكتر.
دخل الشيخ للفتیات باسمًا: روحوا داركم یا بنته، واجھزوا للعجد بكره عشیه.
نظرت له رابحه: أُومال كنت جایبنا لیه؟
- جینا في إیه وهتمشینا في إیه؟
قالتھا ملیكه
ابتسم دیاب: جیتكم جابت الحج معاھا، روحوا، واجهزوا للعجد وصدجوني هتنبسطوا عشيه.
انصرفتا وكل منھما تحمل بداخلھا ھمھا وخوفھا من فقدھا لمن تحب لصالح الأخرى.
**
وفي المغارة تناول بحر وليل ودرديري الطعام، وجلسوا يرتاحون قليلًا بعد تناولهم الطعام.
ثم قال درديري :
- آني هاجوم اتمشي حوالين المغاره أراجب الطريج وإنت يا بحر جهز الجعده آني معايا جزازه نمره واحد نشربوها وبعدين الفجر نروحوا للكبير صجر، عشان الناحيه كلاتها مجلوبه.
سال بحر: ليه خير؟حكومه تاني.
- لا دي جعده عرفيه بين الحطابين والعبابسه هيحكم فيها الشيخ دياب العزايزي، وهو جاعد في دوار العمده.
لم يكن بحر مرتاحًا لدرديري، فقرر أن يسير ورائه
ليجده يطلب أحدهم بالهاتف: إيوه يا كبير.
- آني لجيت بحر وليل.
.....
- مليحين، وليل طببت بحر وبجى مليح.
.....
- بس يا كبير، لازمن تعرف آني لجيت ليل كاشفاه شعرها، ولو تأمني أجول اللي في بالي.
....
- يا كبير ليل كانت جار بحر كنها حرمته، فيه حاجه حوصلت بينهم أكيد.
....
-هو جالي إنه هيطلبها منيك.
....
- عارف يا كبير، بس هو ما يعرفش السر ده، آني وإنت والمرحوم رشوان بس اللي نعرفوا إن بحر يبجي ابن ضرغام العبابسى الصغير، وإننا خطفناه وأبوه جال إنه مات.
....
- اطمن آني هاخدرهم وأكلمك تبعت الرجاله ياخدوهم.
كان بحر يستمع للكلام وهو في حالة ذهول، هو الذي عاش يتيمًا طوال حياته، له أهل وأي أهل إنهم العبابسه.
لا يجب أن يصل درديري لمبتغاه من تسليمهما لصقر؛ سبق درديري للمغارة وبحث بها عن المنوم، وأمر ليل ألا تشرب بل تتظاهر بالشرب فسألته:
- ليه يا بحر، إيه الحكايه؟ آني واعيالك مشيت وراه، فهمني.
- بعدين الصبر يا ليل، هبابه وأجولك.
وحين جاء درديري قام بحر بصب الكأس له، وتظاهر هو وليل بتناول المشروب، ليسقط درديري فاقدًا لوعيه، لتسأل ليل: آني ما فهماش حاجه يا بحر فيه إيه؟
- دريدري كلم عمك، وجال له إن آني وانتي فيه بيناتنا حاجه، وبنتعامل كيه راجل وحرمته.
ضربت على صدرها:
- يا مرى، يا وجعتي المربربه، إكده عمي هيجيب خبري، ليه يعمل إكديه ابن المحروج ده؟
- ولسه.
- لسه إيه تاني فيه أكتر من إكده؟
- ما أعرفش ليه جاله إني هاطلب يدك منيه.
- وبعدين.
- اللي جاله بعد إكده حاجه ما جادرش أصدجها.
- يا بوي يا بحر انطج، أنا ركبي هتضرب في بعضيها.
- جال إني ابن ضرغام العبابسي، اللي خطفوه صغير.
- مين اللي ابن ضرغام؟ انت! كيه ده؟
- ما خابرش، دلجيت لازمن نهربوا، الرجاله جايين الفجر ياخدونا لعمك.
- طب هندلوا فين وهنعمل ايه في ولد المحروج ده؟
- ولد المحروج ده لازمني هو اللي عارف أصل الحكايه.
- طب هنعمل إيه مين يجدر يجف في وش عمي، ايه هنروح لأبوك ضرغام؟
- ما ينفعش نروح جبل ما أفهم وأعرف أصل الحكايه.
- طب والعمل.
صمت قليلًا يفكر، ثم صاح: هو واحد بس في الناحيه كلاتها.
- مين؟
- الشيخ دياب العزايزي.
حمل بحر درديري على كتفه وانطلق برفقة ليل من الطرق المختصرة التي يعرفها، حتى نزلا النجع من طريق مهجور وتوجها لدوار العمده ملثمين، وطالبا بمقابلة الشيخ دياب.
أمر الشيخ بإدخالهم له، دخلوا عليه فقام بحر بوضع درديري على الأرض
نظر دياب لهم بشك وقال:
- إنتم مين؟ اكشفوا وشكم، إيه هتحدتوني ملتمين؟.
- معاذ الله يا شيخ، آني بحر. وكشف لثامه
- وآني ليل وكشفت لثامها.
وقام بحر بكشف لثام درديري وقبل أن يقول اسمه قال الشيخ: وده درديري كلب الجبالي الكبير ومن وراه كلب ولاده صجر ورشوان.
قال بحر:
- يا شيخ دياب إحنا طالبين حمايتك من صجر الجبالي، لأننا رايدين حلال ربنا وطالبين التوبه عن الحرام، وفيه كلام واعر الكلب ده جاله وما حدش هيدلنا على الصوح غيرك يا كبير، الكلب ده ما يجدرش يكدب جدامك.
ثم روى للشيخ دياب ما سمعه من حديث درديري
صمت دياب قائلًا:
- الحديت ده صوح، ضرغام العبابسي كان ليه واد صغير وانخطف يوم ما انولد، أمه ما لحجتش تفرح بيه، والضرغام جال إن الولد مات، لازمن درديري يفوج.
ونادى على رجاله ليقوموا بإفاقه درديري، الذي ما أن شاهد الشيخ دياب أمامه فزع فزعًا شديدًا:
- السماح يا كبيرنا.
فقال دياب:
- على إيه وإلا إيه؟ من غير كتر حديت تعرف إيه عن ابن ضرغام اللي انخطف وليد؟
- آني يا شيخ اللي خطفته بيدي لما كت شغال غفير عنديهم، وسلمته بيدي للجبالي الكبير وولاده صجر ورشوان، عربون عشان يشغلوني معاهم ومن ساعتها وآني معاهم، وأهو جدامك أهو الولد كبر واتربى عنديهم، هو ده بحر ابن ضرغام العبابسي.
- انت خابر إني هاعرف بتكدب و إلا لاه.
- ما أجدرش أكدب عليك يا كبير.
- إنت عارف إنت مطلوب في كام جتيل.
-السماح يا شيخ.
- ده دم ما فيهوش سماح، سلموه للمأمور.
ونظر لبحر ثم ليل وقال: انتي حرمه صح يا بتي؟
- ايوه يا شيخ آني ليل بنت رشوان الجبالي.
- اللي رباكي كيه الرجال، بنت نعمه.
- أيوه يا شيخنا، وطالبه منك تحمي أمي، أخاف عليها لأحسن عمي يجتلها .
- اطمني يا بنتي انتي وأمك وبحر في حمايتي.
وأمر الرجال بإحضار نعمه في الخفاء.
- أما أنت يا بحر فهنخلص من جعدة الليله وحجك يتردلك يا ولدي.
**
جاء موعد العقد واجتمع الكل وبدأ دیاب الحدیث:
- جمعتنا اللیله للحج، والحج یرجع لصحابه، ومسیر الحج یبان مھما طالت الأیام ادخلوا.
لیدخل القاعة رجل وامرأتان تغطيان وجهيهما فقال دياب لهم: تحلفوا على كتاب ﷲ ما تجولوا غیر الحج.
فأشار للمرأة: احلفي وجولي اللي عندیك.
لتكشف المرأة عن وجھھا، فانتفض ضرغام وفھد.
ووقف ضرغام صائحًا: انتي جایه لیه؟! وحج إیه اللي حلفتي علیه، غوري قبر یلمك.
فأمسكه فھد: ما یصوحش یا بوي عیب إحنا معانا ناس.
فوضع دیاب عصاه على كتف ضرعام: في مجعدك، صبیحه واللي معاھا في حماي.
فجذب فھد والده من یده لیجلسه لتبدأ صبیحة الحدیث: أحلف على كتاب الله بيمين الله إن كل كلمه هاجولها هي الحج، من زمن الزمن وآني شایله وكاتمه جواي، والكتم جاتل جلبي، عشان جلبي ھو المنصاب، من الآخر ومن غیر كتر حدیت لا یودي ولا یجیب، ولا كلام ما لوش عازه، ضرغام جوزي وأبو ولدي فھد ھو اللي جتل الناصري أخوه، عشان یفوز بالجازیه، وھو اللي جتل ابن الحطاب عشان یداري على عملته و يتهمه في جتل خوه، وھو بعظمة لسانه اللي اعترف باللي عمله، یوم ما كان عیان وبیخطرف والشھود سمعوه وعارفین عشان كانوا معایا بیساعدوني نطببه، ویومھا لمن فاج ووعي حس من عنینا وخوفنا منیه إننا عرفنا سره، جمعنا وجسم بالله إننا لو نطجنا حرف لیدفنا بالحیا وعطى الشھود جرشینات عشان یبطلوا خدمه ویرتاحوا في بیوتھم.
انكمش ضرغام في جلسته محاولًا الھرب من نظرات فھد التي كانت تذبحه بسكاكین، صورة الكبیر التي ھدمت والوالد الذي سقط من نظره، لم یكن فهد یتوقع أبدًا أن یكون والده ھو قاتل عمه.
سأل دياب الشهود: تحلفوا إن كلام صبيحه حج.
قالا: نحلف بالله يا شيخ هو ده اللي حوصل.
وقف دیاب ناظرًا لطایع:
- بعد الكلام ده، ما فیش غیر حلین، وطایع اللي یختار منیھم، یا طایع ورابحه یجتلوا ضرغام ویاخدوا بتارھم، یا ضرغام یجدم كفنه.
- یجدم كفنه.
قالھا طایع
ضرغام كان یغلي من داخله، لقد كشفت جرائمه، أحس أنه أصبح عاریًا أمامھم كیوم ولدته أمه، قام من مجلسه مارًا بالجالسین حتى وقف في آخر القاعة، ثم
أدخل یده بھدوء لجیب الصدیري، وأخرج مسدسه وأطلق الرصاص على نفسه،
انتفض الجمیع ما بین أصوات الرجال وصرخات النساء.
صاح دیاب: اكتموا.
لیصمت الجمیع فتوجه ناحیة ضرغام لیجده قد سلمت روحه لبارئها.
فقال وهو يغمض عيني ضرغام:
- خلصت الحكایه مات ضرغام.
انتھت حكاية رجل قد أعطى لنفسه حقًا لیس بحقه، أراد الفوز بقلب لم یكن أبدًا له، وسلك في سبیل ذلك سبلًا حرمھا ﷲ وختم طریقه بكبیرة من الكبائر.
جثت صبیحه بجوار جثة زوجھا باكية:
- یا ضرغام یا مالك الجلب والروح، روحت وفتني ومنین ألاجي الروح، یا سبع العبابسه، سلمت الرایه والفھد جدھا و جدود، یا حبیبي اللي اتحملت عشانه المر یا فایتني وما دوجتني إلا المر، مدبوحه من الورید للورید، یا جاتل نفسك لیه خلیت الذنب یزید.
أمسكھا فھد من یدیھا: بكفياكي یا أماي، كافي.
نظرت له تحتضنه:
- وﷲ یا ولیدي خبیت كتیر، بس خلاص، كنت ما جدراش أشوفك أنت كمان بتخسر وأفضل جافله خشمي، جلت یمكن لمن یلاجي سره انكشف یتوب ویرجع لربنا، بس شیطانه كان أجوي یا ولیدي، عاش ظالم الكل ومات ظالم نفسه.
بعد أن تم دفن ضرغام وأخذ طایع عزاء والده أخیرًا، كان الحزن والفرح ضدان مخیمان على أرض العبابسة ونجع الحطابین، حزن عمیق في العبابسة، لیس على ضرغام، فضرغام لم یزرع في قلوب المحیطین به سوى الكره له والنفور منه،
بل حزن على أواصر الأخوة ورباط الدم التي اكتشف الجمیع تمزیقھا تمزیقًا على ید ضرغام بقتله لأخیه وتوریط آل حطاب في ثأر لم يكن لهم يد فيه، وتشريدهم بعيدًا عن أرضهم التي كانت لهم الوطن والمستقر، حزن على أواصر الدم عندما فضل ضرغام مصلحته على مصلحة ولده وفضل أن یوافق على زواج ابن غریمه طایع من رابحه رغم علمه بحب فھد لھا، ولكن ذلك انتھى بانتحار ضرغام لیكتب بیده نھایة فصل من الظلم والطغیان.
بینما آل حطاب یغمرھم الفرح بنیل ضرغام جزاءه وقتله لنفسه وتنظیف سیرة آل حطاب مما لحق بھا من تھمة باطله وادخالھم في ثأر غیر حقیقي.
***
بمرور الأيام.... ظل صقر يبحث عن بحر وليل بلا جدوى فلقد قام دياب باخفائهم وقتل درديري حين حاول الهرب من رجال دياب.
تم عقد قران طايع ومليكه، وفهد ورابحه وتم الاتفاق على تأجيل حفل الزفاف...
توطدت أواصر الصداقة ما بین فھد وطایع بعد البغض والنفور، وأسسا سویًا كیانًا اقتصادیا كبیرًا، كانت غایته إقامة مشروعات تنمویة في قراھم والقرى المجاورة للنھوض بالبنیة التحیتة لتلك القرى.
**
استیقظ فھد متكاسلًا وجلس على السریر قلیلًا ثم أخذ نفسًا عمیقًا ووقف متجھا لدورة المیاه لینعم بحمام بارد ینعش جسده و یبعث النشاط فیه.
بینما یفتح باب الغرفة لتدخل رابحه فتجد السریر خالي فتبتسم لسماعھا صوت الماء بالحمام، وتقف أمام الشماعة تتفقد العباءة التي یضعھا فھد على كتفیه وتسافر بخیالھا بعیدًا تحلم بالیوم الذي سیجمعھا وفھد في ھذه الغرفة، إنھا تنتظر مرور فترة مناسبة على موت ضرغام، لكي یتم زواجھا من فھد الذي لم تعد تستطیع تمضية یوم بدون أن تراه وتتسامر معه أو تتشاكس معه.
بینما أنھى فھد حمامه ثم تناول البشكیر وقام بلف نصفه الأسفل وخرج من الحمام عاري الجذع، لیراھا ھائمة مغمضة العینین، تحتضن عباءته فاقترب منھا متسللًا وھمس:
- ما آني جدامك أھو، مش آني أولى بالحضن ده.
انتفضت رابحه على صوته، وارتدت للخلف لتصطدم بالدولاب وتراه عاري الجذع لا یرتدي سوى البشكیر فتصرخ وتهرول هاربة من الغرفة.
وهي تصرخ بینما قابلت صبیحة امام باب الغرفة:
- الحقیني یا ماما الحاجه.
نظرت صبیحة لھا ولمحت فهد وهو يغلق الباب مبتسمًا.
فأمسكت رابحه من یدھا وسارت بعيدًا
ثم احتضنتھا صبیحة متسائلة: صوح بتحبیه حب واعر یا بت الناصري؟
ردت رابحة وھي في أحضان صبیحة تستمد منھا الحنان:
- باحبه قوي یا ماما صبیحه، مع إني بعدت كتیر عنه لما ماما كانت ھربانه من عمي ضرغام، بس زي ما یكون حب فھد قدر ومكتوب، زي الدم اللي بیجري في عروقي، أنا حاساه ھو الھوا اللي باتنفسه، قلبي ساعة ما یھل علیا كده بطوله وعرضه وھو لابس الجلابیه وحاطط العبایه على كتفه كده والعمه على راسه، قلبي بیرفرف، بابقى عاوزه أخبیه عن عیون كل البنات والستات اللي في الدار كمان، ما شفتیش مقصوفه الرقبه ونیسه بتبص لیه وتتنھد ازاي، ده أنا كنت ھاقطم رقبتھا امبارح.
ضحكت صبیحة: واه واه، وأنتي بتتحددتي إكدیه كأن أمك چازیه وھي بتتحددت عن بوكي الناصري، كانت عاشجاه عشج ما شفتش زییه.
- طبعًا كنتي شوفیھا بس لما تیجي سیرته، مع إن عمو عمران ﷲ یرحمه كان بیدوب فیھا وشفتي فضلت على ذمته قد إیه وما لمسھاش حتى.
مسحت صبیحة دموعھا: ﷲ یسامح اللي كان السبب ویخفف عذابه.
نظرت رابحة لھا: ما انتي كمان كنتي بتحبي عمي ضرغام قوي برغم كل اللي عمله.
تنھدت صبیحة: یا ریت یا بتي كنت أجدر أحكم عجلي، كت مسحت ضرغام من عمري كله، بس الجلب صعیب وحكمه واعر جوي، مع إني كت عارفه إنه عمره ما حبني وما حدش سكن جلبه غیر أمك، بس أمك كانت بتعشج بوكي الناصري وعمرھا ما فكرت في راجل غیره.
نزل فھد لیراھما تضمان بعضهما: یا بوووي على جلع الحریم الماسخ، كل یوم أحضان وبوس، عیب اتحشموا، راعوني شویه، اخلصو عاوز افطر.
ضحكتا وأخرجت رابحة لسانھا له: بالعند فیك، أهو.
وقبلت صبیحة، فأمسكھا فھد من مؤخرة رأسھا، وقال غاضبًا:
- لسانك ده یا بت عمي لو طلع تاني ھاجصه، إحنا في الدوار من تحت یا رابحه مش فوج لحالنا، میزي وركزي، بدل ما أودرك.
حاولت التملص منه فقد آلمھا، فتركھا فقالت بغضب:
- إیه؟ ایدك زي المرزبه، ارحم یا وحش الوحوش.
تناولوا الإفطار وھي صامته وغاضبه، نھض بعد أن أنھى إفطاره ونظر
لھا قائلًا: ورایا على المكتب یا رابحه، رایدك في موضوع مھم.
قامت تمشي ورائه، دخل المكتب واستدار لھا قائلًا:
- اجفلي الباب، ما عاوزش حد یسمعنا.
ما أن أغلقت الباب حتى اقترب منھا وأمسك رأسھا وقبل جبینھا:
- ما تزعلیش یا حبة جلب فھد، بس ما یصوح تطلعیلي لسانك جدام الخدامین، آنى لیا ھیبتي، ما ترضیش تصغریني.
نظرت له بحب ورأسھا ما زال بین یدیه: ما عشت ولا كنت لو صغرتك، انت على راسي یا فھدي.
ابتسم: على راسك بس.
ابتسمت: وفي قلبي.
- یا بوي، ھو الفرح ده مش ھیجرب بجي، آني ما جادرش.
ھربت منه سریعًا وفتحت الباب: مع السلامه یا واد عمي.
فزفر وسار وبینما یمر بجوارھا نظر لھا غامزًا: الھرب لیه آخر یا بنت العبابسه.
وقفت تبتسم بینما تراه یسیر للخارج ونظرت له وعربته تسیر مبتعدة،
ولمحت ونیسة وھي تنظر له ھي الاخرى فصرخت: ونیسه، ھنشوف شغلنا وإلا ھنفضل نتفرج طول النھار.
تبرمت ونیسة وقالت والكلام يخرج من تحت ضرسها: حاضر یا ست البنات.
صعدت رابحة لغرفتھا وھاتفت ملیكة: صباح الفل ملوكتي.
- یا صباح الجمال رورو.
- ھا أخبارك ایه؟
- تمام الحمدلله، زھقت بس.
- من إیه یا موكا؟
- طایع وحشني قوي.
ضحكت رابحة: أیوه أیوه الحب مولع في الدره، غایب بقاله قد إيه؟ ثلاث أیام.
ردت ملیكة بسرعة: لا یومین وخمس ساعات.
انفجرت رابحة بالضحك: یا عم الجامد ما انتي كنتي بتقعدي بعید عنه أیام الكلیه.
- لا یا ستي، كان بیكلمني كل یوم ست سبع مرات، إنما ھو زعلان ومقموص حضرته، ومش راضي یخلیني أصالحه.
- ما ھو لیه حق برضه یا موكا، سالم ده زودھا، وكان ناقص شویه ویلزق فیكي، وعنیه الصراحه فاضحاه، سالم بیحبك.
- وأنا باحب طایع، وسالم عارف كده كویس، ما قلتلوش أنا بقي انتھز فرصه إني في المكتب وقرب كده، وبعدین أنا كنت لسه بارفع إیدي عشان أبعده بعید دخل طایع، أعمل إیه بس؟
- معلش لما یجي حاولي معاه، ھو جاي امتي؟
- مش عارفه ما قالش.
- طیب سلام بقي یا موكا، عشان أجھز الغدا للوحش اللي أنا مخطوبه له ده، عاوز محشي وأنا لسه باتعلم، وحكم راسه إن أنا اللي أعمله من الألف للیاء.
ضحكت ملیكة: یعني اتصل بالإسعاف تجھز قدام الدوار.
بادلتھا رابحة الضحك: أي نعم، سلام.
- سلام.
دينا سعيد عاصم
فيروز أكرم القطلبي
سفير. اسماعيل أبو زيد
ياسر محمود سلمي
حنان صلاح الدين محمد أبو العنين
د. احمد البحيري 
دعاء محمد علي الشاهد
د. عبد الوهاب المتولي بدر
أيمن موسي أحمد موسي
د. نهله عبد الحكم احمد عبد الباقي 
زينب حمدي 
د. محمد عبد الوهاب المتولي بدر 
د. شيماء أحمد عمارة 
د. نهى فؤاد محمد رشاد 
م. اشرف عبد الصبور الكرم 
1
-1
