عيب على جيلنا يقول كده….ماتجيش مننا ابدا

كان ممكن اتقبلها من الجيل الجديد
جيل ولادنا
على اساس انهم ما عاشوش معانا زماااااااان
و لا عانوا معاناتنا زمااااااااان
و مش هأستدل بكلامي انا
انا هاستشهد بمنشور نشره أستاذ دكتور فذ خبير ؛ استاذ جراحة الوجه و الفكين
و حاصل على ٢ بكالوريوس طب و طب اسنان غير الدكتوراه
كتب على صفحته
انه بذات نفسه اجرى عمليات على ضوء الشموع
في غرفة العمليات
و هذا كان في عهد مبارك
يعني مش في عهد عبدالناصر ولا السادات
العهدان الذان لايزال عالق في ذهني إصابتي ببداية اعراض تسمم من carbon monooxide أول أكسيد الكربون و انا واخواتي متجمعين في غرفه واحده بنذاكر على ضوء الشموع
تقريبا
احنا العز اللي بقالنا عشر سنين بنتمتع فيه
نسانا أصلنا و انا منكم
نسانا اننا كان النور بيتقطع وبدون جدول
و بال٢٤ ساعه مش كم ساعه
و كان الأكل بيخرب في الثلاجه
مش معقوله احنا لحقنا ننسى تلك الأيام القديمه
شفنا البيت كله على شمعه واحده ايام ٦٧
انا مش ناسياها رغم صغر سني وقتها

نسينا اغنية من الثانويه للكليه
ياللي نسيت الفرحه و فيه على خدك دمعه🎵
غيرك عدى و كان بيذاكر على نور شمعه🎶

وثقتها ليلى نظمي
نرجع بقى للماضي القريب
قبل ثورتنا في ٣٠/ ٦
ياريتها اقتصرت بس على قطع الكهرباء بدون جدول
و نصائحهم لا مؤاخذه بلبس الكوتونيل و تجمعنا في غرفه واحده
نسينا هذا الانجاز الفخيم لطائر النهضه الذي وعدونا به😳
طيب لما هم كانوا عارفين انهم ما بيعرفوش
مسكوها ليه
و وعدونا بطائر النهضه ليه؟
و لم تقتصر الازمه على قطع الكهرباء
بل امتدت لطوابير السيارات لملئ البنزين
و الاقتتال من اجل انبوبة بوتجاز
كل هذا نسيناه…..خلاص
عينينا مش جايبه الا كم شهر حديث نظرا للظروف المستجده
السيسي استلمها بنقتل بعض على رغيف العيش
و اشترط علينا اننا هنتعب
ما وعدناش بطائر النهضه
قالنا هتتعبوا معايا
ما كذبش علينا
و رغم كل الارهاب الداخلي
وتفجير مولدات الكهرباء من قبل ارهاب اهل الشر
فضلت البلد منوره من ٢٠١٤
و فعلا كان بيصدر الكهرباء
لكن كل شئ اتشقلب بعد حرب غزه
هو احنا مثلا مش بنسمع الأخبار ولا عارفين حرب الاباده التي بغزه
مش واخدين بالنا من تداعيات ذلك علينا
انا بصراحه مش متخيله
ازاي احنا مش شايفين الوضع
و #بننقل كلام عن ناس اما جاهله أو جاحده أو خائنه
لازم لما ننقل كلام نفكر و نسترجع التاريخ
احنا مش اي حد احنا ناس كبار
بنفكر و الأطباء منا بتشخص المرض حسب معطياته
ايوه الوزاره لها اخطاء
و انا شايفاها و معترفه بيها طبعا
لكن
فيه اولويات
اهم شئ
وجود البلد اصلا
هو احنا يعني مثلا سوبر مان
ما ينفعش بلدنا تتدمر زي ايام ٦٧ و نتهجر زي اهل القناه ما اتهجروا؟!!!!!!
و نبقى عايشين في خيام
قولولي ساعتها
ماذا ستكون اولوياتكم
هل ستكون الكهرباء
أم الحياه ب رمتها😳

احنا في حرب وجود

متأكده من وطنيتنا كلنا
لكن لازم نراجع اولوياتنا
هي مش مِنه من فلان ولا علان
المنه الوحيده من الله ثم الجيش
الذي يتحمل الثلج و الغليان ليحمي ارضنا و عرضنا
و نتقل قوي على عِرضنا دي
لإن الرصاص كان تحت بيتي في سنة ٢٠١٣ و كانت داعش و أذيالها قاب قوسين أو أدنى

كل السيناريوهات لاتزال قائمه
بالذات اذا فقدنا اولوياتنا
و نسينا اصلنا
و ماحمدناش ربنا
رسولنا صلى الله عليه و سلم بينصحنا
انظر لمن هو دونك
مش انا والله
هذا هو ما يرضينا على حالنا

اوك نعترض
و ننقد
انما مش واحنا في حالة حرب
حرب وجوووووووود
To be or not to be

و ارجعوا لمنشور ات الكيان و راجعوا هدف الكيان القذر الذي ينشر اهدافه معلنه…..بحدود دولته التي يريدها

نختلف هذا عادي ربنا خلقنا مختلفين
لكن الفكره فقط
الأولويااااااااات
من فضلكم نراجع بند الأولويات

كل سنه و كلنا طيبين في يوم ثورتنا المجيده التي شاركنا فيه٣٠ /٦ / ٢٠٢٤