ولا الحوجه…..للأغراب

من فضلكم….تصبروا على المنشور للآخر 🤔

فكره رأيتها على الإنستجرام…….
عجبتني …..حقيقة
و قعدت حسبتها ……
لقيت علشان نحققها محتاجين ٨٠ مليون مصري
كل واحد يسلف الدوله 😳 ١٠٠ دولار
الصبر …… انا كمان كنت مثلكم👍 أستكترت اني الاقي ٨٠ مليون كل واحد معاه ١٠٠ دولار يقدر يسلفه للدوله
انما الشرط
ان عهدتهم تكون في قبضة ريسنا السيسي ذات نفسه
كما هو بذات نفسه بيروح يحضر مقابلات قبول طلبة الكليه الحربيه كده……بدون تعليق
فالحمد لله نثق في أمانته و صدقه…..
ما أطولش عليكم……
الأسهل طبعا ان يكون فيه ٨ مليون فقط ممكن نلاقيهم يقدروا يقرضوا الدوله ألف دولار
انما أنا قلت شئ صعب على شعب يشتكي الفقر على السوشيال ميديا ليل نهار…..انه يقدر يعمل كده 😳
مش هاتكلم عن زحمة المولات المكتظه بالبراندات غالية الثمن
و الكل خارج محمل ما شاء الله ولا كإننا في أي بلد غنيه👍
ما علينا
كنت في قعده نسائيه تحوي موظفه مصريه عاديه في إحدى مراكز التجميل النسائيه
و طبعا الكل بيشتكي من الإسعار
و انا كالعاده …..بأحلل الأسباب ……و كدهون😂🤣
فقلت لتلك الموظفه
طيب انا هأقولك إقتراح مش بتاعي يعني ، انا سمعته فقط
ممكن لو قلتهولك تشيليني و تقذفيني من الشباك 😂🤣
و بأقولها حكاية إقراض الدوله ب ١٠٠ دولار…….😬
فإذا بهذه الموظفه العاديه تقولي
لا والله انا مستعده اقرض الدوله بألف دولار …..بس نطلع من البير ده اللي دخلناه 😳😳😳
بصراحه
انا ذُهِلت
هذه السيده إمرأه عامله في مركز تجميل
و مثلها الكثير
عندها وطنيه و حب و رغبه في انقاذ البلد
و هو ما شجعني
و جرأني أكتب لريسنا
مستعدين يا ريس
اننا نقرض حضرتك ال٨ مليار دولار بدل صندوق النقد الدولي
انما تكون في عهدتك الشخصيه يا ريس و ليس أحد تاني
مستعدين نقف جنب بلدنا مثل أبائنا ما تبرعوا للمجهود الحربي زمان
انما احنا هنسلف فقط لاغير
و تتحل المشكله
و نطلع من القمقم بقى
المهم
الفساد يبعد عن هذا القرض

تفتكروا صح ما أقوله 🤔
صح ما أشعره تجاه بلدي 😌
انما بعهدة الريس و ليس شخص آخر
بلدنا نشيلها على راسنا
كما عملنا ايام شهادات قناة السويس
انما هذه المره في عهدة الريس
ترجع لنا دولارات زي ما دفعناها
و مش عايزين فوايد عليها
احنا بنسند بلدنا
و لا الحوجه للأغراب