بالصدف البحته
سمعت هري ( بلغة الشباب) أحد مأجوري السياسه بأحد القنوات المغموره
التي اصبحت أكتر من الهم على القلب
انما حقيقي تأكدت انهم
لا يخاطبون الا الجهلاء !!!!!!
في الأول
من حوالي سنتين
إدعوا أن العاصمه الجديده…….فنكووووووش
و لما بقت حقيقه
بدأوا يألبوا عديمي التفكير ضد البلد!!!!!!
ايوه
عديمي التفكير …..اللي مش بيمرروا الكلام على عقلهم قبل ما يرددوه
اعرفهم منذ زمن……اعضاء القطيع المسلم أمره لراعيه وليس لله سبحانه و تعالى
لإن ربنا أمرنا عدة مرات بالتفكر ????
اكيد متابعيني الأذكياء عرفوا إني باتكلم عن العاصمه الاداريه الجديده
شوية رمله …..تراب……صحراء
اتحولت بقدرة الله …..وتوفيقه ……لمدينه ملئ السمع و العين و البصر تضاهي أكبر مدن العالم
تليق ببلد الحضاره …..مصر
شوية تراب ما كانوش يسووا حاجه
احنا بس قلنا
كلام …..كلااااااام
اننا عايزين نعمرها
و حالا
جات بلاد الدنيا تشتري التراب بالدولار
و تبني السفارات
جم المستثمرين و عملوا مناقصات
و بنوا الناطحات
و قصاد كده
هم اللي دفعوا ثمن بناء الوزارات
و ثمن بناء المساجد و الكنائس و الاستراحات
يبقى مين اللي استفاد يا خلق هوووووووه
يا أولي الألباب ( أصحاب العقول)
ممكن حد يقولي احنا خسرنا إيه ؟؟؟
خسرنا التراااااااب????
طيب يالله قدامكم الف كيلو متر مربع من التراب إلا هبابه
روحوا استثمروه سعادتكم
يالله يا تابعي القطيع ورونا شطارتكم
بدل ما عقلنا يدلنا ان كل المصالح دي هتفتح فرص عمل للشباب و الكبار
بدل ما عقلنا يبصرنا ان المواطن الشقيان المتوظف في الوزارات مبني له شقه جديده يعيش فيها
من الوزير للغفير
بدل ما عقلنا يتمحص
و يقول
و الوزارات القديمه
هيحصل فيها ايه ؟!!!!!!
ايوه يا مفكر
الوزارات القديمه بيتنافس على استثمار أرضها اللي في وسط القاهره لعمل مدن سياحيه ببلد الألف مئذنه
مدن تجذبلك القاصي قبل الداني
مدن هتجيبلك مليارات الدولارات تحت رجليك و تسددلك كمان ديون مصر
و طبعا فرص عمل جديده للكل……يا أولي الألباب
نفكر شويه الله ينور بصيرتكم
نفكر شويه
على رأي المثل
إذا كان المتكلم أهبل
يكون المستمع عاقل
نمرر كل كلام بنسمعه على عقولنا
انسانه بسيطه قالتهالي عن بلدها في الحج
قالتلي يا دكتوره
لو كل حج أكل ٣ أرغفه فقط يوميا
يبقى بلدنا هي الكسبانه
عارفين ما فرقهم عنا
الفرق الوحيد ان تفكيرهم تجاري
مش كسالى زي نااااااااااس
عايزه الدوله تعملها كل حاجه
و هم قاعديييييييييين
انزعوا الكسل ????????????
2
-2
