كل متابعيني يعلمون اني أمقت الإجبار مقتي لجهنم بالضبط
لكن كتر الكلام عن موضوع معين ......بيثير حفيظتي الحقيقه
سؤال بسيط
انا أعرف إن الذي يتضرر من شئ أو أمر معين
هو الذي يحاربه
لكن لما نلاقي ناس مالهاش دعوه خالص بالأمر و النهي هي من تتكلم ........
تفتكروا الناس دول نسميهم إيه ؟؟!!!!!
زي المثل الشائع
واحد شايل دقنه ......والتاني زعلان ليه !!!!!!!!
بالضبط
واحده لابسه حجابها .......و التاني زعلان ليه ؟؟؟
ياريتها كانت التانيه مش التاني
كان يبقى عذرها واضح
لكن لما نلاقي موظف في صحيفه بيكتب ضد الحجاب......🙄😳
هو لامؤاخذه فيه واحده دفعتك ضرايب لتشتري حجابها ؟؟!!!!!!
حضرتك ايش دخلك في زيها
هو مثلا حضرتك ولي امرها ؟!!!!
شئ عجيب
امتى الصحافه هتركز في المفيد
ياريتك قبل ما تقول ان الحجاب مش فرض
تقولنا
كيف تقيس الفروض سعادتك ؟؟!!!!!
كل منهو يتمطع و يقولنا
اعمدة الإسلام خمس ........
طب يا عم الفيلسوف
عمرك شفت حد بيعيش في بيت من اعمده فقط🙃🙃🙃
دي اعمده من غيرها البيت يتهد
لكن علشان تعيش فيه
لازم
أسقف و حوائط من طوب
تم محاره اسمنت
ثم بطانة دهان
ثم زيت او بلاستيك او ورق حائط أو ديكورات
ثم نجف
و ستائر
و أثاث
و مفروشات
و مطبخ عصري بأدواته العصريه
و حمام على اعلا مستوى
و تكييف
و طبعا مع كل ده محتاجين توصيلات مياه و كهرباء و صرف صحي
كده نعيش في دينا
لما تقولي الحجاب مش فرض
هقولك خلاص بقى
نسيبنا من
بر الوالدين
ترك الفواحش
و الأمانه
و شهادة الحق
حفظ النفس و ترك القتل
إلى آخر فضائل الإسلام
صحيح كل انسان الزمناه طائره في عنقه و هو حر
لكن مايجيش حد يقلل من شأن فريضه انسانه بتضحي كتير علشان تؤديها
يكفيها تنازلها عن متاع الدنيا لكي نحترمها
و اولا و اخيرا
حسبنا الله و نعم الوكيل في كل من لا يعين المتمسكه بدينها و فرائضه