و دي نجيبها منين …..الثقه بالنفس

الثقه بالنفس
لما بتتوجد
بنعامل الآخر كويس
و لما بنفقدها بنعامل الآخر .....مش كويس 😂
طيب و الثقه بالنفس دي ....نجيبها منين
نشتريها مثلا ؟!!!!! طيب من فييين
الحقيقه هي لا بتتباع و لا بتتشرى
دي بنستمدها من إنجازاتنا في الحياه
طيب و اللي لسه ما أنجزش أي شئ !!
مافيش انسان ما انجزش
لإننا في كل لحظه نقدر نحقق ذاتنا
نقدر نضيف للحياه حاجه
هو احنا لما نخلي حد يبتسم
ده مش انجاز
مش هو لما يبتسم هيشتغل كويس
على فكره ماما و بابا ممكن يكونوا هذا الشخص الله هنفرحه 🤣🤣🤣 مش لازم يعني نمد ل بره زي القرع 😂
اي شئ ممكن نضيفه ده انجاز
لو شيلنا ثقيل عن سيده او مسن
لو قمنا لحد تعبان في المترو
اي ذرة خير تريح الآخر او تسعده
لو زيحنا أذى من الطريق علشان نحمي شخص ما نعرفهوش هنبقى انجزنا شئ يجعلنا نثق بأنفسنا إننا لنا أثر في الدنيا
مش عايزه أقولكم لأحسن تعتبروها دروشه
لكن الحقيقه ان طول ماحنا بنثق في ربنا و انه بيكتبلنا الخير
هنستمد تقتنا بأنفسنا من ثقتنا بيه
" هو على هين "سورة مريم
فعلا كل اللي بنتمناه ده
هين على ربنا سبحانه و تعالى
لإن أمره للشئ إذا أراد :" #كن فيكون"سورة يس
و شفنا لما حب يخلص سيدنا يوسف من السجن
ما انقذهوش بجيش
أنقذه ب حلم خلا الملك يحلمه
" و ما يعلم جنود ربك الا هو "سورة المدثر
جنود ربنا هو تدبيره لأقدارنا
بلغة العصر
سيناريو و حوار حياتنا
ربنا يعني المربي اللي بيخلينا نستفيد من احداث الحياه قدامنا
وكل ما نراه بتبقى درس و عظه تفيدنا في المستقبل
لذلك ثقتنا بأنفسنا نتاج ظننا بالله
فلنظن به ما نشاء