عهوووووود ثلاثه

عهود اتاخدت على الانسان

هتكون هي قاعدة حسابه يوم الحساب

اول عهد

ان ربنا يوم ماخلق سيدنا آدم خلقنا كلنا....كلنا من اول آدم لآخر مخلوق هيتولد ليوم القيامه

و أشهدنا

انه ربنا

"وَإِذْ أَخَذَ رَبُّكَ مِن بَنِي آدَمَ مِن ظُهُورِهِمْ ذُرِّيَّتَهُمْ وَأَشْهَدَهُمْ عَلَىٰ أَنفُسِهِمْ أَلَسْتُ بِرَبِّكُمْ ۖ قَالُوا بَلَىٰ ۛ شَهِدْنَا ۛ أَن تَقُولُوا يَوْمَ الْقِيَامَةِ إِنَّا كُنَّا عَنْ هَٰذَا غَافِلِينَ (172) الأعراف

وهنعرف منين

من هذه الأيه

و من حاجه جوانا بتقول ان لنا صاحب

ثاني عهد 

انه خلقنا على الفطره

الفطره الإنسانيه بتخلينا نقول ان الكون ده له صاحب اوجده من عدم

زي ما نبقى ماشيين في صحرا

و نلاقي فجأه قصر

طبعا 

بنتأكد ان فيه حد زار الصحرا دي و بنى القصر

مش معنى انه مش شايفينه

انه مش فيي

اهو ربنا ........فيي .......بالفطره

ربنا اللي لما بنتزنق

بنلجأ ليه

داخل كل منا هذا الاحساس

حتى لو ناس سموه الطبيعه

لو سموه اي شئ

اختلاف مسميات

بيضحكوا بيه على نفسهم

بيثبتوا بيه وجودهم

انهم لهم قيمه

طيب بس شوية انفلونزا

فيروس العين لا تراه 

بيقلب كيانك يا انسان يا متكبر

ياللي كنت بيبي جاهل 

و في الآخر برضه هترجع كهل جاهل

و بين المرحلتين بتتغطرس و تتكبر

نفسي الملحدين دول يقدروا يهربوا من الموت

ساعتها فقط

ممكن اصدقهم

لما يقدروا يتحكموا في حياتهم

و نهايتها

العهدين دول

كل البشريه مشتركه فيهما

ثالث عهد

هو ان ربنا أرسل لنا الرسل

طبعا المسلمون مؤمنون بكل الرسل و رسالتهم السماويه

"لا نفرق بين احد من رسله "

-

ايه فكرني بهذا الموضوع ؟!!!!

ان الفطره الإنسانيه دي جميله جدا

بتجمعنا كلنا

الإنسانيه

#الفطره_الإنسانيه_بتجمعنا_كلنا

عايزين دايما ندور على ما يجمعنا

مش اللي يفرقنا

الدنيا فيها حاجات جميله كتير

لكننا بنلاحظ بس النقط السوداء في الدنيا البيضاء 

ب جد مش علشان مصريه

المصريون لذاذ جدااااا

كلهم حنيه

ربنا يزيدكم من الحنان

و مهما ال ..............يعملوا

هنفضل دايما 

على قلب انسان واحد ????

مصريتنا تجمعنا