ليه ربنا فرض علينا الصيام 🤔
هل علشان نحضر خزين للطعام ……
و لا علشان نجهز ما نسلي به صيامنا من معاصي لله سبحانه و تعالى…….
طيب ما تيجوا نشوف كتالوجنا بيقول ايه ……
الكتالوج الذي كتبه صانعنا علشان نعيش طوال حياتنا مضبوطين
متناغمين مع كل ما صنعه سبحانه و تعالى
تعالوا نشوف ال hard disk بتاعنا مخلوق إزاي
تعالوا نشوف صانعنا مبرمج صنعته إزاي كي تعيش عمرها كله متناغمه مع الكون سبحانه و تعالى
تعالوا نشوف خالقنا الأعز الأكرم كتب علينا الصيام ليه 🤔

" لعلكم تتقون "
أليس هو القائل في كتابه الكريم مخاطبا المؤمنين في سورة البقره

" يَا أَيُّهَا الَّذِينَ آمَنُوا
كُتِبَ عَلَيْكُمُ الصِّيَامُ
كَمَا كُتِبَ عَلَى الَّذِينَ مِن قَبْلِكُمْ
لَعَلَّكُمْ تَتَّقُونَ (183)

لا قال لعلكم تخزنون الطعام
ولا قال لعلكم تستعدون بالمسلسلات و الفوازير🙃🙃🙃
لا حول ولا قوة الا بالله

كل الميديا تحولت لإستعدادات تخزين الطعام للصيام!!!!!
بالله عليكم هل هذا يُعقل 🤔
شهر الصيام عن الطعام نستعد له بزيادة الطعام !!!!!!
هو احنا مش مكفينا كل الطعام خلال ١١ شهر
جايين في شهر الصيام نخزن طعام أكثر و أكثر!!!!
دول كلهم
"أَيَّامًا مَّعْدُودَاتٍ" سورة البقره
على بال ما بيبدأ
على بال ما بينتهي
و صلى الله و بارك
Plz نتقي الله في كل سلوكياتنا و بالذات في رمضان
أذكركم و أذكر نفسي
من فضلكم
نستعد بالتفكير في أعمال صالحه نتقي بها الله تساعدنا في الآخره
فكما قال جل و علا في سورة البقره أيضا

" وَمَا تَفْعَلُواْ مِنْ خَيْرٍ يَعْلَمْهُ اللَّهُ
وَتَزَوَّدُواْ
فَإِنَّ خَيْرَ الزَّادِ التَّقْوَى
وَاتَّقُونِ يَا أُولِي الأَلْبَابِ"

هي دي الزواده التي نتزود بها
التقوى
مره كمان يدعونا الله للتقوى
بالمناسبه
ممكن نستغل التليفزيون و النت للتقوى لا تقلقوا
عندما لا نفتح سوى القنوات الدينيه و الإخباريه طبعا حتى لا ننفصل عن الحياه
و مش صعبه بالمناسبه
و ناس كتير بقالهم عشرات السنين لا بيتابعوا مسلسلات و لا بيفتحوا فوازير بفضل الله ؛ و الله ما نقصوا حته😳😬
هذه أيام لن تعود اخواتي و إخوتي
هذه أيام سيخص فيها الله بعض من عباده ليرفع درجاتهم في الآخره
لعلنا نكون منهم ……إذا أحيان الله ، إن شاء الله
الحقيقه
رمضان لا يستحق منا هكذا تحضيرات😞

" لعلكم تتقون "