و يخلو كل خليل….بخليله

معلش

لا تدعي لأحد إنه له مكانه عندك

و أنت لا تتواصل معاه …..إلا صباحا

حركة الحياه للكل أثناء النهار

و الإحساس بالوحده يطفو على السطح بعد غروب الشمس

عندما تهدأ تلك الحركه

و يلف الكون حولك…..الهدوء

ذلك موعد إظهار مكانة الغاليين عندك

أما تواصل النهار هذا

فإن دل على شئ

فإنما يدل على إنك…..عايز توقع حضور…و تزوغ

زي كده الشغل في المصالح الحكوميه

انك تثبت حضور

و ممكن كمان تمضي إنصراف

و بينهما…..بتروح حته تانيه أنت أدرى بها

زي كده ما بيقولوا

الإهتمام…..ما بتطلبش

هنقول

تواصلك بالنهار…..ما يتحسبش

هو…..بيخلي شكلك مش وحش

انما في الواقع

الشخص ده مش غالي عندك بتاتا

الغالي هتكلمه و انت هادي و مستريح

هيكون قلبك فعلا مع قلبه

هتكونوا حقاً…..أخلاء

طيب و العمل🤔

العمل

مافيش أحلى من الأُنس بالله سبحانه و تعالى

" وهو معكم أينما كنتم " سورة الحديد

"و نحن أقرب إليه من حبل الوريد" سورة ق

سبحانه و تعالى 

لا يتركنا صباح ولا مساء

ولو اتوفقنا للإستيقاظ لصلاة الفجر يوميا

لن يكون هناك مساء إلا قليلاااااااااااااا

ربنا يوفقنا جميعا لإستقبال أيامنا مع طلعة الفجريه