سر الحياه في مفاجآتها

طبعا الحياه يعني كل يوم مفاجأه جديده
احيانا ساره و أحيانا غير
كل المفاجآت بتحتاج ترتيبات
و علشان ننتصر …..خلينا نسمي الصعوبات
و المشكلات
#مفاجآت
ايه رأيكم
لما نقابل مفاجأه ساخنه صعبة الحل
نسيبها شويه لغاية ما تبرد
مش اقل من ٣ ايام
طيب و ازاي نسيطر على مضاعفاتها على صحتنا مثل ارتفاع ضغط الدم و نسبة السكر ؟!!!!!!!
بسيطه
ماحنا هنشغل نفسنا بحل مفاجأة امبارح
اللي كانت أقل سخونه😂😂😂
هنقعد نشغل نفسنا بحلها
تصدقوا بنطلعوا احلى حل 🤣ليه بقى
أصلنا بنبقى مسيطرين على هروبنا من الغليان و مركزين بشده
ساعة ما بنحل المفاجآت السهله
بنفرح
و طبعا ده بيقلل حالة الشد اللي احنا فيها من المفاجأه الكبرى
و على بال ما تعدي ال٣ ايام
بنكون هدأنا اكثر و اكثر من كتر ما حلينا مفاجآت صغيره
نقوم بقي نرجع للمفاجأه إياها المغليه
و احنا هاديين و رايقيين و نتغلب عليها بكل سهوله
على فكره
ده مش كلام
دي حاجات متجربه
ياريت بس نفتكرها و احنا جوا الغليان
Plz try it
طبعا مع الدعاء
و اداء الاستخاره
" و أستعينوا بالصبر و الصلاه "سورة البقره
والله ما دروشه ….فقط نجربها🤔
و حسن الظن بالله
و سماع سورة يوسف
كله هيعدي
بدون خسائر
بدون عنايه مركزه
بدون جلطات

لقيت مقوله للأستاذ نجيب محفوظ بتؤكد صحة كلامي
💥💥💥💥💥💥💥💥💥💥💥💥💥
“ عندما تتكاثر المصائب يمحو بعضها بعضاً ..
وتحل بك سعادة جنونية غريبة المذاق ..
وتستطيع أن تضحك من قلب لم يعد يعرف الخوف "

.......نجيب محفوظ.......