سلسلة…..من العياده

- المريضه : أربعينيه ،معدتي تعباني جدا يا دكتور 😩😩
= الطبيب :طيب نشوف الضغط كم !!!!!
الضغط عاليى يا مدام
انت بتشربي قهوه كتير
ولا بتاكلي مخللات
ولا زعلانه أو قمتي بمجهود كبير
- المريضه : انا لسه راجعه دلوقتي من عند أختي
محجوزه بالمستشفى
عندها المرض الخبيث😞
=الطبيب : تفآلي خير
الطب تقدم جدا بفضل الله
و المرضى ما شاء الله بيتعافوا وبيعيشوا عشرات السنوات
-المريضه : أصل أختي صعبانه عليَ قوي يا دكتور
مات لها إبن قريب
و بعد شهر واحد
مات لها إبن تاني 😳
=الطبيب : لا حول ولا قوة إلا بالله
هل عندها أبناء آخرين
- ايوه فاضلها اتنين اولاد
= ربنا يبارك لها فيهم
اختك دي أكيد قوية الإيمان جدا حتى يمتحنها الله هذا الإمتحان الصعب
إختك أكيد اتبنى لها بيت الحمد في الجنه

فقد جاء في الحديث القدسي ما معناه
يقول الله لملائكته و هو أعلم بما حدث

قبضتم ولد عبدي
قبضتم #زهرة #فؤاده.......(والله إنهم لزهرة قلوبنا فعلا😢)
ماذا فعل عبدي ؟
يرد الملائكه : حمدك و إستغفر
فيقول الله : إبنوا له في الجنه بيت الحمد

إختك دي من الصابرين ربنا يرحمها و يرحمنا
- لكن انا حزينه جدا عليها يا دكتور 😞
=مالناش يد في حاجه
ده أمر الله
هو انت ولا هي غلطتم في حاجه !!!!
انه قضاء الله
مانا ممكن دلوقتي أطب ساكت قدامك.........
شوفي يا مدام
انا سمعت الشيخ الشعراوي بيقول
الإنسان لما يحزن بشده و يتعمق في الحزن كده
ربنا يقوله انت بتحب الحزن
طيب
خد اللي بعده
و يجيله اختبار أكثر حزنا
انتم اهل الميت
أكثر ناس محتاجين تخففوا عن نفسكم
انتم مالكمش ذنب في أي حاجه
هذا مقدر و مكتوب
يمكن الاولاد اللي راحوا ، راحو في اعلى درجات ايمانهم
- انا اخذت بنتها عندي فعلا علشان تغير جو
= هوني على نفسك
انا لله و إنا إليه راجعون
و حاولي تخففي عن اختك
و قوليلها انها بطله ربنا يصبرها و يعينها

و طبعا بقية المرضى خارج العياده كانوا هم كمان بيستغيثووووووووووا من التأخير 🤫

يارب
لا تمتحنا هذا الإمتحان الصعب
نشكرك يا الله على نعمك التي لا تُعد ولا تُحصى
اللهم إحفظ لنا حواسنا و ذريتنا و صحتنا
رب أوزعني أن أشكر نعمتك التي انعمت عليّ
و أن اعمل صالحا ترضاه
ما شكرناك حق شكرك يا الله😢