حضرتِك،،،،، حضرتَك
تعالوا بينا نفكر
احنا ليه ردود افعالنا مع الأزمات مختلفه 🤔
منا الصبور…..و منا الرافض……و منا الثائر
خلينا ناخدها واحده واحده…….
أكثر فئه رافضه للأزمات
الناس اللي عايشين بره
اللي دايما بيقارنوا حياتهم بحياتنا
و يحاولوا يفهمونا انهم فايزين بالحريه الكامله
و حرية التعبير عن الرأي …….
مش هأقولهم إن مافيش بلد في العالم اجمع تتمتع بالحريه الكامله ١٠٠٪؜ و لكن الحريه بنسب متفاوته و الأدله واضحه جدا في ردود افعال الدول لمظاهرات طلبة الجامعات و كيف عاملتهم الشرطه بطريقه أسوأ من عندنا
ولا هأحكيلهم عن من يتم توقيفه و حبسه لمجرد رأي كتبه على الفيسبوك
انا هأقوله حاجه تانيه خالص
البلد اللي حضرتك هاجرت إليها من زمان ولازلت عايش فيها
لن تخرج عن إثنتين
إما بلد لها سوابق في احتلال الدول الغنيه و نهب ثرواتها…..ولازالت
و إما بلد أسوأ ، قامت بالإستعمار الإحلالي ، أسوأ أنواع الإستعمار، القائم على ابادة أهل البلد 🤔 ثم احتلال أراضيها و إقامة مملكتهم الحاليه
و في الحالتين هي بلاد مُستَعمِره
هي بلاد معتديه
هي بلاد باللغه العاميه……بلطجيه
و حضرتك عايش فيها بتتمتع بنصيبك من بلطجتها
لذلك
البلد مالهاش فضل عليك
حضرتك في كل وقت بتصرخ و تقول انا دافع ضرايب
فين حقوقي
و لذلك بأقولك
تعالى بينا نشوف بقى مين دي بلدك الأصليه…..مصر
مصر عمرها في حياتها ما احتلت حد
مصر طول عمرها بتدافع عن نفسها ضد الاحتلال
مصر بلد غنيه بثرواتها
لذلك لزم لها على مر العصور جيش يحميها
جيش من أولادها و ليس مرتزقه
جيش بيفديها بأغلى شئ يملكه…..روحه
جيش من الأسود واقف درغام
بيحمي أرضها و عرضها، نساءها و أطفالها و شيوخها
تفتكر لما حضرتك تقارن بين بلادكم الاستعماريه و بين بلدنا الغنيه تبقى المقارنه عادله؟
تفتكر ان عندك أي إمتنان للبلد اللي انت فيها اللي هي بلطجيه في الأصل؟
تفتكر ينفع تحب الأربعين حرامي ؟؟
و هذا هو سبب اختلاف رؤيتنا عزيزي المقارن
sorry
لا تقارن لي بين اللص….و صاحب المال

اللي حضراتكم عايشين معاهم بيتعاملوا معكم بسياسة اللصوص و حضرتك ….علي بابا
لازم يسيبوكم تاخدوا …..حته
علشان تسكتوا ولا تتكلموش!!!!!!!
لكن في مصر الموضوع مختلف
في مصر فيه جيش بيدافع عنها كي نعيش أحرار لا عبيد و جواري
في مصر فيه جيش حمى بناتنا من تنظيم قذر فعل أمامنا في اليزيديات ما فعلته الجاهليه منذ ألاف السنين
و الغريبه ان كلنا شفناهم قدامنا
انما بنكذب عنينا 😳
في مصر
يدعي البعض ان مصر تدار بأسلوب القبيله
للأسف
قيادة مصر حصدت عيوب حكم القبيله و لم تحصد مميزاتها
حصدت مسؤلية رئيس القبيله في الدفاع عن قبيلته
و لم تحصد طاعة أعضاء القبيله لذلك الرئيس
في مصر……لا يعترف أعضاء القبيله بفضل قائدها
و هو ما سيأخذنا للسبب الأخر في اختلاف ردود الأفعال
و هو تنوع شخصيات المتلقي

فإذا أنت أكرمت الكريم ملكته
و إذا انت أكرمت اللئيم …..تمرد

الناس متنوعين بين كريم يعترف بالجميل و يحفظه
و بين لئيم جاحد
ينكر فضل الآخر
ولا حتى بيقول لنفسه فيه حاجه تشيل حاجه
ابدا
عايز كل حاجه بريفكس…..نمبر وان
على ايه ان شاء الله و حضرتك سلبي
و لا لك اي دور في الحياه سوى النقد فقط
بدون عرض أي حلول
على فكره
الحمايه اللي حضرتك بتتمتع بها دي واجب عليك
و مش فترة الجيش فقط
لا
شرفك و عرضك مالوش فتره زمنيه محدده
و بصراحه بقى
كل واحد معترض على امتيازات الجيش
اناشد القياده السياسيه انهم يفتحوا التطوع للعمل في الجيش خلال جميع الأعمار
لإن الظاهر ان الناس لما كبروا نسيوا يعني ايه حرب و أرض معارك
نبطل جحود لنعمة الله علينا
نبطل شكوى و ولوله
الشاطر المعترض يقولنا حلوله الايجابيه
فهو حتى سلبي مع مشاكل عمارته و سايب غيره يحلها و عايز كل شئ عالجاهز
نبطل كسل
و نبطل الحرب من وراء الكي بورد
الشاطر ينزل أرض المعركه…..و يشيل
أما القياده فسأظل أدعو لها
الله يعينك علينا
الله يعينك على شعب مصر بالذات الجاحدين منهم لأنعم الله
الله يعينك على من قطهم جمل
و جمل الغير عندهم قط