اكيد ما حدش فينا بيحب يقرأ أخبار محزنه عالصبح

و هذا هو ما جعلني أصمت حتى الآن………

مع إن برضه ماحدش بيحب يسمع أخبار محزنه عالمسا

و لا حد بيحب يسمع أخبار محزنه خالص وفي كل الأوقات

انما غصب عني حقيقي

محتاجه أصرخ من الحزن😩

الخبر أكبر مني 

و من كل الدنيا

-اول حاجه في الخبر إنه عن سرقه 🤔

= حراميه يعني ……

عصابه مثلاً ……..

يعني كفايه عليهم عقوبة السرقه مثلا 🤔

- لكن دول عصابة سرقة أرواح ……..

= قتالين قُتله ………

- يكونوش مدمنين للمخدرات مثلا 😳

يعني مش قادرين يفكروا أو يسيطروا على أفعالهم ……

طبعا لا أبرر لهم إطلاقا

إنما فقط

بأحاول أتفاهم مع الخبر 🤔

= لا يافندم مش مدمنين خالص

-طيب يكونوش جهله مثلا ما كملوش تعليمهم كده

= ولا دي كمان

دول متعلمين لأقصى درجات التعليم😳ومن كليات مسماه بالقمه 

-يبقوا أكيد ما بيعرفوش ربنا تماما

= للأسف برضه لأ 

دول جزء منهم بيدرسوا في جامعات ذات مرجعيه دينيه

- لأ بقى…..دول أكيد فقراء فقر مدقع 

= برضه لأ

دول شهادتهم تسمح لهم بالعمل في أحسن الأماكن 

طيب إزاي كل ده حصل !!!!!!

عصابة قتل

من الموسرين

المتعلمين لأعلى الشهادات

- أومال ماذا كان الدافع 😳

= نفس دافع قابيل عندما قتل هابيل

الطمع

انما تلك العصابه طمعها مضاعف و ليس له مثيل

طمعها جعلها تقتل و تفسد في الأرض

جعلها

تخطف

و تقتل

و تشرح الأعضاء

و تبيعها فرط

طمعها أكبر من جريمة أي طماع آخر

طمعها خلاها تتاجر بأعضاء البشر المخطوفين

لازم

لازم

لازم

ماحدش يدافع عنهم

لازم نقابة المحاميين تجرم أي محامي يدافع عنهم

حقيقي

لازم البشر دي يتعمل فيها مثل حكم الصين

بعد ما يتعدموا

تتم التبرع بأعضائهم للمرضى

لازم العقاب يبقى شديد بما يوازي جرمهم الشديد

لازم جزاءهم يبقى من جنس عملهم حتى يرتدع كل من تسول له نفسه تكراره 

انا مش شايفه جرم أكبر منه في العالم كله

قتل بعد سرقه بغرض الاتجار بالبشر

حقيقي جرمهم أكبر من النتن

النتن قاتل و حرامي فقط

انما دول أسوأ من بالبشر على الإطلاق

و إذا ما إتحكمش عليهم بأقصى العقوبات الممكنه كما الصين

و تم اعدامهم على مشهد و مرأى من كل الشعب

فلن تتوقف تلك النفوس عن الطمع

فعلا دول لا يستحقوا أي شفقه أو رحمه

بالذات 

لو وضعنا نفسنا مكان أمهات الأطفال الذين تمت سرقتهم

و بيعهم ……قطع غيار😩😩😩

" أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ 

فَكَأَنَّمَا قَتَلَ النَّاسَ جَمِيعًا" سورة المائده