ما يتهيأليش ان فيه مصري لا يحفظ 

لقطة عودة لعبه و والدتها من لبنان في  فيلم : لعبة الست.....داحنا التفاح هناك ....كان قد كده
بل
ما يتهيأليش ان فيه إنسان
لما ينبهر ببلد بيزورها أو بيشتغل فيها
ما رجعش مصر بلده الا و أحس بإحساس ماري منيب و تحيه كاريوكا في هذا الفيلم و قال
دا البرتقاله هناااااااك كانت ……قد كده

كل ده عادي
لإننا بشر
لما بنسافر
و نعيش
و نشوف
حياه لم نرها من قبل
عادي اننا ننبهر
المشكله في فترة هذا الإنبهار
هل بتستمر معانا
و لا بتاخد وقتها …..و تعدي
الواقع
إن فترة الإنبهار هذه بتعتمد على أولوياتنا
يعني من أولوياته الماده…..بيفضل منبهر علطول و بيحب الخارج قد عنيه و يمكن أكتر
لكن
اللي أولوياته الوطن و ذكرياته و كل شئ وجدانه يحن إليه
لا يستغرق معه الإنبهار مده طويله

ما يجيش بقى ناس عايشين بره مصر
و كل أولوياتهم هي راحتهم الشخصيه و يغضبونا على بلدنا
معلش بقى
احنا بلدنا عاجبانا كده
ببرتقانها و تفاحها و عنبها و بطيخها
عاجبانا بسياستها و سلطاتها و بابا غنوجها
طبعا هذا لا ينفي اننا المتواجدين على أرضها ب ننقد بلدنا لإننا عايزينه أحسن
و عايزين اننا نكبر معاها و بيها
و نقدنا بيبقى بناء….. اننا نفكر و نجد حلول
انما ما تجيليش يا متغرب بقالك عشرات السنين
و مرستق أمورك بره
و فضلت الماده على كل حياتك و تاريخك
و تيجي تغضبنا على حالنا و على بلدنا
احنا مبسوطين في بلدنا
حضرتك مبسوط في حياتك
خليك مبسوط في حالك و سيبنا في حالنا
إحنا راضيين بحالنا لإن أولوياتنا غيرك
احنا جربنا الغربه و راضيين بأمننا و أماننا جوه بلدنا يا أخي
حضرتك زعلان ليه ؟!!!!!!!!!
مش عاجبك حالنا……ساعد البلد تتقدم
إعمل مشاريع لبلدك مثل محمد صلاح كده
انما جرجر جرجر و كلام …..مش مضبوط…..و تهكم على حالنا …..لأ
اللي بتعمله هذا ده مش نقد
هذا استفزاز لنا و عايز تغضبنا على حالنا
مالك و مالنا
حضرتك قدرت تحل مشكلتك .....و نطيت من السفينه
مالك بقى بأهل السفينه
هم راضيين و بيجدفوا ولو بمجداف مكسور
هم بيحاولوا يحسنوا وضعهم على قد ما يقدروا
هم أولوياتهم غير أولوياتك
لو صحيح مخلص لبلدك …..تعالى بالماده اللي سيبت بلدك عشانها…..حسن الوضع
أكتر من كده مالكش فيه
اقل شئ ادفع زكاتك لبلدك
و أكتر من كده فعلا ما لكش فيه
ولا حتى لك تنقد حالنا……حضرتك كمان جنسيتك بقت غيرنا
خليك في بلدك التانيه
لإننا لو حشريين كنا قلنالك كل السلبيات اللي في بلدك
و عدد الhomeless اللي مزينين شوارعها و ماليين الكوميك
ياعم….طوبى لمن شغلته عيوبه عن عيوب الناس…..معنى حديث نبوي
ياخينا شوف سياسة البلد اللي عايش فيها و اتحسر على تبعيتها…..و اتجاهاتها….و ضعفها…..والثورات اللي مالياها
الخلاصه
اللي أولوياته غير أولوياتنا…..يخليه في حاله
و عندي مليون حق في غضبي
نقطونا …..بسكاتكم

الكيل فاض فعلا 👎
و خلوكم في حالكم و بلادكم و سيبونا في بلادنا حبيبتنا
احنا راضيين بيها و صابرين و الحمد لله بتتحسن في كل يوم
الحمد لله