متابعيني
يدركوا جيدا
ان مبدأي
مهما اختلفت مع الآخر
هناك دائما مساحه مشتركه
الا إني متأكده
ان هذا البوست هيزعل مني ناس كتيره
بالنسبه لي، الإختلاف في الرأي لا يفسد للود قضيه
الموضوع عن كميةالتناقض اللي في حياتنا
و اليوم باتكلم عن #الزواج
عايزين نرسي على بر
هنمشيها #ديني ولا #غربي……….؟!!!!!!!
لو عايزنها #غربي( لمن يريدها يعني)
يبقى كل حاجه بالنص
و مسؤليات البيت و الاولاد برضه بالنص
لدرجة ان في الغرب القانون بيعطي للرجل حق اجازه لرعاية اطفاله
هو بيجلس بالطفل يوم و والزوجه بتجلس يوم
كل شئ مناصفه
حتى الطاعه و إذن الخروج من البيت برضه مناصفه😳
ايوه
و فيه اكتر من كده انما قلمي يخجل عن تدوينه
الحريه هناك أووووووووووڤر يعني أووووووووووڤر
طيب
اللي عايزينا نمشيها #ديني
ماشي
الزوج مسؤل عن النفقه
و القيام بمسؤلية البيت
ايوه
و لو الزوجه في بيت والدها عندها شغاله يبقى ملزم يجيبلها شغاله
ايوه
ماحدش يستغرب
مهو سيدنا آدم كان مخلوق لوحده
و قادر يؤكل نفسه
انما كان وحيد
فربنا خلق له من نفسه زوج……اسمها حواء؛ بتحتويه
موده و رحمه و سكن و راحه
ايوه
هي دي فقط وظيفة الزوجه
بدون تشنجات
ايوه هو ده ديننا
اومال يعني احنا كنساء بنحب ربنا ليه الا لإنه كرمنا اكبر تكريم
و بالدليل بقى
سيدنا محمد عليه الصلاة و السلام والدته لم ترضعه
بل المرضعه حليمه السعيديه
و القرآن الكريم قايل

"فإن أرضعن لكم فآتوهن أجورهن" [الطلاق/6]،

( وَإِنْ تَعَاسَرْتُمْ فَسَتُرْضِعُ لَهُ أُخْرَى" سورة الطلاق
اعترضوا بقى على حكم ربنا
ايوه هو ده ديننا
انما بالزوق و التراضي
( مش هترضع بس دي بتعمل كل شئ نتخيله من احتواء)
لإن ربنا عايز كرامة المرأه
المرأه التي اهانتها الجاهليه ايما اهانه وصلت لوأدها 🥲
نهدى كده
و نكمل كلامنا
طيب و الحل ايه
الحل انك يا رجل
لو تستطيع الباءه و مصاريف البيت تبقى تتزوج
لو لا تستطيع تبقى تصوم…..فإنه لك وجاء( حمايه ) كما جاء بالحديث النبوي
الاستطاعه بقى كل واحد على حسب مقدرته
و لو غرفه و صاله
ماحدش بدأ كبير
عادي خدلها غرفه واحده و صاله و مطبخ به الاجهزه العصريه
و خلصنا
المهم يكون في حي مماثل للحي التي هي تسكن فيه
على قد قدرتك افرشها
و بكره كله هيتغير
و الامور هتتحسن
مش اسمع دلوقتي عايزين غرفة اطفال
طيب نفترض ما خلفوش اصلااااااااااا
نيجي بقى لشغل المرأه و مرتبها
ايوه من حقها
انت واخدها متعلمه
ومتفقين انها تشتغل
الواجب عليك اصلا انك تكسوها حتى لو بتشتغل
بس تجيب عدد ملابس على قد امكانياتك بصراحه
لكن مرتبها لها
هذا هو الشرع يا مسلم
هي بقى عليها ايه
عليها حسن التبعل
انها تكون السكن لك
هذا هو دورها
ان تكون منبع الراحه
علشان حضرتك تقدر تشقى في الأرض و في طلب الرزق
اللي هتصرف به عليها
اي مليم بتشارك به المرأه ……صدقه
ولها اجران؛ أجر الصدقه و أجر صلة الرحم كما جاء بالحديث النبوي
مش تدفع و ما تتشكرش حتى😳😳😳

قلتلكم هتزعلوا
لكن الله لا يستحي من الحق
لو عايزينها ديني
كل واحد يعرف حقوقه و واجباته
علشان البيت يفضل عامر
اما وضع المصريين القائم ايه بقى ؟؟

#حقوق الرجل #ديني
و #واجبات الرجل #غربي

ما ينفعش
لازم تحددوا بوصلتكم
ديني
ولا
غربي!!!!!!!!!!!!!