"و الضحى
و الليل إذا سجى "
-
" و أما بنعمة ربك فحدث "
-
كنت زمااااااان بأستصعبها
إلى أن رزقني الله بزميله في العمل من الصالحات. ( أحسبها كذلك و لا أزكي على الله أحد )
كل يوم أول ما توصل الشغل تصلي
احدث نفسي : هي ما بتلحقش الفجر و لا يوم !!!!! انا اعرفها من المتقين !!!!!
طبعا عيب أقولها أو أسألها
كل إنسان بيختار لنفسه ......حر
الى ان جاء يوم و قالتلي هي
انها بتصلي ركعتي #الضحى
قلت
الله
طيب مهي سهله أهه
هو ليه الشيطان مصعبها عليا
بالذات ان فضلها عظيم
و الحمد لله بدأت أصليها
ب جد
سهله جدا
و جمالها
اننا بنعملها ب حريه
فهي ليست فرض
يعني بنقابل ربنا بمزاجنا
طمعانين في كرمه
انه يتوب علينا
و يعتقنا من عذاب النار
و يدخلنا جنته
الطمع فيما عند الله مش طمع
يعني ممكن نتجرأ و نطمع في الفردوس الأعلى
مفيش شئ بعيد عن ربنا
دلوقتي لا يسعني الا الدعاء لزميلتي يوميا بالرحمه و المغفره انها علمتني صلاة الضحى فقد انتقلت للرفيق الأعلى
انسانه صالحه و اسمها صالحه احسبها كذلك و لا أزكي على الله أحد
Plz try it
حقيقي روحنا هتفرح
و تبقى طايره كده
مهي كل ما بتتصل بمن هي جزء منه
بتخف أكتر
الحمد لله