نعم للطموح ، لا للمقارنه

بأستغرب جدا لما الاقي حد عايز يجيب أحلى حاجه
عايز ولاده يبقوا اعلا ناس و أغنى ناس!!!!!
عايز يبقى أشيك واحد !!!!
طيب ليه حب الذات ده ؟؟
ليه الأنا عندنا عاليه كده ؟!!!!!!
ليه المقارنه دايما بالأخر.........
اقولكم سر
طول عمري ما كنتش بأتمنى أطلع الأولى!!!!!!
كنت باحب طبعا أبقى ضمن الشاطرين و بس
ما كنتش احب أبقى من الخيبانيين لإن المدرسين بيهزأوهم
كنت باتمنى ابقى محترمه و خلاص
كنت بأحس ان الأولى دي بتعمل حزازات بين الطلبه و بعضهم
و في الجيل الحالي تغير تعريف الطلبه بالفعل و بقى مجموعات متفوقه و ليس بترتيب الأوائل
و الحمد لله

مطلوب طبعا من كل إنسان يكون عنده هدف و طموح
و مطلوب انه يسعى و يتعب من اجل هذا الهدف
لكن بلاش المقارنات
المقارنات دي اللي بتعذب الناس
و بالتالي تُشعرهم بالحقد و الكراهيه
ثم الرغبه في الانتقام من المتفوقين
الصح انه لما نشوف نجاح نحاول نعمل زيه
مش نحقد عليه !!!!!!!!
لو شيطانا خلانا نقارن
ساعتها هنقوله
انظر لمن هو دونك ( معنى حديث نبوي )
لكن لما يقارن مع الأفضل
هنقوله #اتعب_زي_الناجحين_علشان_تنجح
اسألهم عملتم ايه علشان تنجحوا و إعمل مثلهم
يتهيألي لو كلنا عملنا كده
نسبة الحقد و الكراهيه و الأنانيه و الطمع اللي هو آفة البشريه
س تقل كثيرا
ربما يتحسن مجتمعنا .......هبابه 😊