متابعات د علي جمعه (٤)

مره و أنا في إعدادي طب
كنا بناخد مراجعات في إحدى المساجد
لقيت طالبه جايه المسجد بدون غطاء للرأس
و الحمد لله بقية الزميلات كلهن كانوا مغطيين شعرهن حتى غير المحجبات منهن
إتجهت بثورة الشباب للمسؤل عن المسجد أنتقد سماحه بدخول طالبات غير ملتزمات بالزي الإسلامي
المسؤل كان ناضجا جدا
هادئا
إستوعب مرحلتي العمريه بكل أريحيه
و حكالي قصه
قالي كان فيه انسان معترض على أن بعض الصلوات ركعتين و البعض الآخر ثلاثه و الباقيين ٤ ركعات
فذهب لإمام المسجد يسجل إعتراضه
فرد عليه الإمام بهدوء و سأله
أومال أنت عايزهم كم ركعه ؟
الشخص المعترض قاله عايزهم كلهم ركعتين فقط
فرد عليه إمام المسجد
خلاص
صليهم ركعتين فقط 😳
باقي الحاضرين ثاروا على إمام المسجد لائمين إياه
إزاي تقوله كده
إزاي تخليه يصلي الفروض ركعتين فقط
رد عليهم الإمام ب ثبات

أنا دخلت رجل الشخص المعترض اليمين للمسجد
غدا يهديه الله و يدخل رجله الشمال أيضا👌

لما يدخل المسجد و يرتاح في علاقته بربنا
و يشوف ان كل المصلين بيصلوا الفروض كما وجبت
سيتغير هو من نفسه و يصليهم صح
وكده
يبقى رجليه الإتنين دخلوا المسجد

هكذا تكون الدعوه إلى الله في هذه الأجواء الصعبه التي نعاصرها
هكذا تكون الطرق لجذب الأجيال للتقرب من الله
ليس بالشده
بل
بالحكمه و الموعظة الحسنه

{ أُمِرت أن أخاطب الناس
كلٍ
على قدر عقولهم }معنى حديث نبوي

لو لاحظنا طريقة حوار د علي جمعه
هنلاقيها إجابات قصيره على قد أسئلتهم السطحيه
هو فقط
عايزهم يعرفوا ان فيه إله لابد أن يراعوا وجوده
يريد أن يقربهم من الله
بيحاول يزرع link رابط بينهم و بين ربنا 
بيكلمهم ببساطه 
بيكلمهم كإنهم أطفال
إجابه بسيطه لكل سؤال
إجابه على قد السؤال

بالله لو قالهم حرام حرام حرام
ماذا سيكون رد فعلهم؟!!!!!
النفور طبعا و البعد عن مجلس العلم الذي تحفه الملائكه و تتغشاه الرحمه و يذكرهم الله فيمن عنده

ياريت الأسر تتشطر
و تدخل رجليهم التانيه
" ف بما رحمة من الله
لنت لهم
و لو كنت
فظا
غليظ القلب
لأنفضوا من حولك"
سورة آل عمران

العمر و الخبره و الزمن …..بيعلمونا كده
مالكم كيف تحكمون 🤔

على فكره
كلام مسؤل المسجد كان هو الصح
و تلك الزميله بعد ذلك إلتزمت بالحجاب جزاها الله خيرا👍