متعوده …..دايماًاًاًاًاًاًاً

بلاش أحكم أنا
حضراتكم تحكموا

نبذه تاريخيه
علشان نفكر صح
لازم نقارن بين حالنا دلوقتي
و حالنا قبل كده

عبدالناصر توفى ١٩٧١ في عهده كان النور بيتقطع أي يوم و أي عدد من الساعات
و ما كناش كشعب نعرف هم بيقطعوا النور ليه !!!!
كنا فقط بنحضر الشموع و كان فيه اختراع أياميها إسمه لمبة الجاز بتطلع غاز أول أكسيد الكربون الخانق لمن يجتمعون في غرفه واحده ليذاكروا ليلا ،و الأغنياء كان عندهم حاجه إسمها الكلوب له شبكيه retina بتنور كده شبه النور النيون
ماكانش فيه حاجه إسمها كشاف نور يضئ عندما ينطفئ النور
ذلك الكشاف لم نعرفه الا بعد الإنفتاح السداح مداح
أواخر السبعينات في عهد السادات…..لكن الكهرباء ظلت تنقطع برضه أي وقت
و لأي مده سواء ليلا أو نهارا
مسكها مبارك في ١٩٨١
و ظل الحال على ماهو عليه تنقطع الكهرباء
أي وقت من النهار أو الليل حتى لو كانت ليلة إمتحان و مش مجهزين نفسنا
أي مده غير معروفه أو محسوبه
لغاية طبعا ما ديوننا وصلت ٩٠٪؜ من دخلنا
يفهم معناها كل انسان تثاقلت عليه ديونه🤔
جات ثورة ٢٠١١
و إتسرقت الثوره
و مسكها أهل الشر سنة ٢٠١٢
و قالولنا إلبسوا كوتونيل و اقعدوا كلكم في غرفه واحده
و لا نسينا 😳 كالعاده
معلش بقى لازم نفتكر بصراحه
علشان كانت تجربه عمليه لمن مسكوا البلد بعد مبارك
و حتى البنزين بقوا يبعتوه لأتباع الفرس في غزه
و يحرمونا منه و نقف طوابير علشان نمون عربياتنا
مش بس قطع الكهرباء
مش عارفه إزاي نسينا كل ذلك
نسينا اللي خربوها في سنه واحده بكل ما خربها مبارك في ٣٠ سنه
ما علينا
قطعوا الكهرباء في أي وقت
و لأي مده
بدون نظام
يعني جربنا اداره تانيه قبل الإداره الحاليه
و برضه قطعت الكهرباء كما كان يحدث لمدة ٦٠ سنه سابقه

دلوقتي بقى
احنا ليه عايزينها سويسرا
و بنقارن بين حالنا دلوقتي و حال سويسرا
احنا ليه إذ فجأة كده 😳 عايزين كل حاجه بريفكس ١٠٠..١٠٠
هو احنا من إمتى كنا سويسرا
و الله هذا حالنا طول عمرنا يا أجيال الطفوله و الشباب
إسألوا والديكم و جدودكم لتتأكدوا من كلامي

و اللي مش عاجبه
الباب مفتوح على مصراعيه
اتفضلوا سافروا بره البلد
أيوه هتاخدوا فلوس أكتر
و خدمات أحسن
اتفضلوا
إتغربوا
و ابقوا اكتبولنا ما حال قلبكم
هل ارتاح ؟!!!!!!!!!

ايوه
هي دي مصر طول عمرها
الفرق الوحيد ان مصر بتضع أقدامها على أولى خطوات التقدم
حضراتكم طبعا كعادة الشباب ما عندكمش صبر
اتفضلوا
اتغربوا
انما بالله عليكم تكتبوا بأمانه
أنهو صبر كان أخف
صبركم على انقطاع النور لمده محدده في فتره زمنيه محدده أثناء النهار فقط
و لا صبركم على الغربه 😞

أما بالنسبه لجيلي
فإحنا
متعوده😂 ……دايما😂 …..بصوت عادل إمام…..على انقطاع الكهرباء
لكن الميزه انه بيتقطع لمده معروفه في وقت محدد كمان الصبح بفضل الله

بالنسبه لي شخصيا
بفضل الله
يكفيني فخرا اني عايشه جوه بلدي في أمن و أمان
عايشه آمنه على أرضي و ملتحفه بسماء بلدي
عايشه و آكل عيش و ملح من انتاج بلدي
و جيش بلدي بيحميني انا و ذريتي
قابله أي حاجه تنقص مادمت بأمن و آمان الحمد لله