مشوارنا طويل يا أهل بلدنا….مش وقت كلام

مش عارفه احنا مش حاسين
ولا
فيه ناس عايزه النكد و خلاص؟!!!!!!!
أكيد دول ما جربوش ساعات الحروب
و التبرع للمجهود الحربي
لما كانت الناس بتتبرع بالذهب للبلد
مش بتتاجر بيه على حساب البلد
ما جربوش طوابير الجمعيه من أجل الاحتياجات الأساسيه حتى لو معاهم فلوس!!!!!!
مش زي حالنا ……كل شئ بفضل الله متوفر بغزاره الحمد لله
ما جربوش التطوع للمساعده في الرعايه الصحيه و الخدمه العامه
ما جربوش لما كنا كلنا في مصر على قلب رجل واحد
مش ناس هايصه و ناس لايصه
و العجيبه ان الناس الهايصه دي هي اللي بتشتكي!!!!!!!!
ما جربوش لما كان العدو من الشرق فقط و كنا كتف في كتف
و دلوقتي العدو من جميع الجهات ، مطوقنا،
و المشكله الأكبر في عدونا اللي من جوانااااااااااااا
و هم دول سبب كل بلاءات مصر
زي السوس
قاعدين ينخروا في البلد
و الله اللي مش عاجبه مصر …..يتفضل
الباب يفوت جمل
علشان لازم ما تتعظوش من غيركم
اتفضلوا هاجروا لأمريكا الجنوبيه علشان تبعدوا عن ظروف الحرب
تقريبا هناك فيه هدوء
و هتلاقوا هناك عرب على فكره …..لا تقلقوا
و سيبونا في حالنا راضيين الحمد لله
هناكلها ب دقه …..لكن في بيوتنا مش لاجئين و لا مهجرين
مهو فيه ناس كده
لا تتعظ الا بالتجربه……..
اللي بيقول على اللاجئين عندنا انهم عملوا فلوس
فعلا
عندك حق 👍
لكن هو حضرتك ما عملتش زيهم ليه ان شاء الله؟!!!!!
دول كانوا جايين يا مولاي كما خلقتني
لا معاهم ابيض و لا اسود
انما ربطوا الحزام سنه واحده
و كل عيله اتجمعت
و اشتغلت و حوشت لغاية ما بقوا كده زي ماحنا شايفين
نبطل ولوله بقى
و نتعلم نربط الحزام
و كفايه اننا جوه بلدنا ستر و غطا علينا
هو بس فيه نقطه لازم اقولها
لازم بلادنا تعامل المقيمين على أرضها
زي ما كل البلاد بتعاملنا و احنا عندها
الشعارات اللي اتربينا عليها
مفيش حد طبقها معانا
كلمة حق ولازم تتقال
المعامله بالمثل
و اللي بلده خلصت حرب
كفايه كده و يتفضل يرجع بلده بالسلامه

يالله بقى
كفايه تضييع وقت
و كل واحد يروح يشتغل
و يجيب فلوس يعيش بيها
و بإذن الله ربنا لن ينسانا ابدا مهما حصل
ماحدش فينا هـ يبات من غير عشا
الحمد لله الخبز متوفر …..
ولو نقضيها بعيش و ملح انما في الأمن و الأمان بفضل الله