مش مهم اللغه، المهم قلوبنا تحسها

معقوله

كل ما يصيبنا من أذى هذا ……بسببه 🥲

هو من قالها لله سبحانه و تعالى عندما أمره بالسجود لآدم

قاله

طيب سيبني عليهم بس

و أنا أظهرلك ازاي آدم و ذريته لا يستحقوا أن يسجد لهم 😳

و أهم حاجه هأوسوس لهم بها ….

عدم الرضى بحالهم

و بالتالي عدم الشكر لله

و المشكله انه فعلا ناجح نجاح كبير في خططه

و بينفذها ببراعه

و بيجعل ذرية آدم دايما تضجر من حالها

و طبعا بتنظر لمن هم أكثر منها في نواحي معينه

و معميين عماهو عندهم و ليس عند غيرهم 😳

فعلا

هو ما بيخليناش نركز فيما عندنا

و بيغضبنا على ما ليس عندنا

للأسف هو ناجح

و احنا اللي سايبينه ينجح بهذا الشكل 😞

لذلك

لابد ان ننتصر عليه

لابد نشكر ربنا دوما على نعمه السابغات

احنا الحمد لله في نعمه من نواحي كثيره

و إبتلاءات في نواحي أقل 

لازم نستعيذ بالله من وسوسته لنا

اولا

و لازم نعود نفسنا نشكر الله يوميا بأي كلمه نقولها و لو كانت

merci ميرسي يا رب

أو 

Thanks God

المهم ان قلوبنا تحسها و تستشعرها

احنا فعلا في غمره من النعم

و ماحدش فينا ماعندهوش اختبار من ربنا

لازم نكون متأكدين من كده

فالواحد بيستحي انه يشكو همومه للناس

كما قيل

نشكو إبتلاءات رب الناس…..للناس

معقوله نقعد نكتب شكوتنا من ابتلاءات الله كده للناس

طبعا لا يصح

احنا بنسلم أمورنا لله و طبعا و احنا بنفكر في الحلول

لازم نفكر و نسعى ثم نتوكل على الله

انما 

لازم نتذكر ذلك التحدي من إبليس

ولا نوصله لغرضه

طيب 

تريليونات الشكر لله …..تريليونات الحمد لله

نعوذ بالله من الشيطان الرچيم

"قَالَ أَنظِرْنِي إِلَى يَوْمِ يُبْعَثُونَ

قَالَ إِنَّكَ مِنَ الْمُنظَرِينَ

قَالَ فَبِمَا أَغْوَيْتَنِي لأَقْعُدَنَّ لَهُمْ صِرَاطَكَ الْمُسْتَقِيمَ

ثُمَّ لآتِيَنَّهُم مِّن بَيْنِ أَيْدِيهِمْ 

وَمِنْ خَلْفِهِمْ 

وَعَنْ أَيْمَانِهِمْ 

وَعَن شَمَائِلِهِمْ 

وَلاَ تَجِدُ أَكْثَرَهُمْ شَاكِرِينَ" 

سورة الأعراف