من يقول أن التذكير بأيام الله …..حرام ؟!!!

مين قال أن ذكرى الأيام حراااااام ؟؟
مين قال اننا لو جعلناها وقت لمحاسبة النفس قبل أن يحاسبنا الله حرام
مين قال لو جعلناها فرصه لصلة الرحم و لمة العيله تبقى حرام
مين قال حتى لو اتفسحنا و روحنا عن نفوسنا شويه تبقى حرام
مين قال لو هنأنا اخواتنا و قرايبنا و جيرانا و أصدقاءنا و أعضاء صفحاتنا في post أو مجرد تعليق comment تبقى حرام
هو احنا هنغير الحقيقه الواقعه ان كل يوم بنكتب تاريخ لشهر معين و سنه معينه و كلهم أيام من حياتنا 🤫
هو احنا هنكذب عيوننا و نخون نفسنا……….
أومال إيه سبب الزوابع اللي بنسمعها و نشوفها !!!!!!!!
السبب انهم بيعملوا بمبدأ
درأ المفاسد …….خير من جلب المنافع
الناس اللي بيعملوا بهذا المبدأ هم اللي حاولوا يكتفوا حياتنا على اعتبار ان كل واحد مننا نحن العامه😳 ……قاصر ……لايزال بيمص في اصبعه 😳
دايما بيعتبروا انفسهم أوصياء علينا ………😳
هم بيعتبروا ان كل من سيذكر بداية السنه الجديده
سيرقص
و يشرب خمر
و يطفي النور ثم يفعل كبيره من الكبائر مع زوجة الآخر
علشان كده
بيفضلوا يقفلوها علينا من بدايتها كده 🙄😬
ياريت حد يصحي نياظي😂🤣
😂🤣يقول لأم نياظي
اننا واحنا بنتذكر أيام الله
مش هنعمل غير كل حاجه يحللها الله
لن نغضب الله بما أتانا من رزق ربما كتير غيرنا محروم منه
هنتكسف
اننا نعصى الله برزقه و فلوسه و ماله اللي اختصنا به
هنهنئ بعض بأيام الله بكل الطرق التي يرضى عنها الله و رسوله

"وَذَكِّرْهُم بِأَيَّامِ اللَّهِ
إِنَّ فِي ذَٰلِكَ لَآيَاتٍ لِّكُلِّ صَبَّارٍ شَكُورٍ (5)
سورة إبراهيم

علماً بأن
كل ما نشرته يتعلق ب #يوم بداية السنه الجديده الميلاديه
و ناخد بالنا أنا لم أكتب انه عيد بل كتبت انه #يوم
من أيام الله سبحانه و تعالى
لإن المفروض اننا لنا عيدان فقط كما جاء في الحديث النبوي
هم عيد الفطر و عيد الأضحى فقط لا غير
هذين اليومين السنُه النبويه اننا نرتدي ملابس جديده
و لا نصوم اطلاقاً فيهما
مع بقية احكام العيد ممكن ان نطلع عليها في جوجل
و اذكركم
انه #يوم بداية السنه اخوتي و ابنائي الكرام 😊🌷