لما دكتور يعالج المريض اللي جه العياده الحكوميه بعد انتهاء مواعيد الشغل
و يسهله أموره
يبقى
ما نستغربش
لما نفس الطبيب يوصل مصلحه حكوميه بيخلص فيها ورقه
و يلاقي الموظفين إنصرفوا خلاص و في الشارع
يقوم واحد من الموظفين
يرجع المصلحه مخصوص علشان نفس الطبيب
و يعطيه ورقه
و ينجزله أموره

و ما نستغربش برضه
لما نلاقي طبيب بيسهل لمرضاه علاجهم
انه لما يبقى مريض
يلاقي دكتور ما فيش بينهم أي معرفه
بدل ما يوصفله طريقه
يقوم معاه مخصوص من مكتبه
و يركب معاه الاسانسير
علشان يدله على المختص
مقابل .....فقط......انه يدعيله 😢

معقوله كل ده ؟؟
بيحصل من ناس ما يعرفوش بعض
أيوه معقول
مهو دي دعوة
ربنا يوقفلك ولاد الحلال ........
الأكتر من كده
ان الخير احنا بنعمله لربنا مع أي ناس
و ربنا برضه
هو نفسه
اللي بيرد لنا نفس الخير
لكن عن طريق ناس تانيه
كلنا تبع المركزي : ربنا سبحانه و تعالى
و هو اللي هيردلنا الخير
من ناس تانيه خالص
أوعى نقول اعمل الخير و ارميه البحر
لا
نقول
#البر .....#لا_يبلى

و كلها #من_الواقع
لأطباء
عايشين بدعاء مرضاهم 😢