على قد تفكيري يعني
فأنا لست خبيره سياسيه اطلاقا…. مثل ال١٠٠ مليون خبير مصري

أوعوا حد يفتكر ان الست أورسولا جايه تجيبلنا استثمارات علشان سواد عيوننا مثلا
دول ناس اذا ما كانوش هيكسبوا من كل سِنت اضعافه مش هيحطوا يورو واحد عندنا
هم بس
قالوا في نفسهم
انهم لما ساعدوا في الربيع العربي
اتلخبطت التوزيعه الديموجرافيه عندهم
و كل افراد الربيع نزحوا عندهم
و بوظوا حياتهم
و الارهاب سحلهم بمعنى الكلمه
فالأوربيون قدام في الاستعمار
مش محدثي استعمار زي غيرهم……الست أمر&يكا
قالوا لنفسهم
ماحنا اللي هنشيل
و مالناش دعوه بتفكير الاستعمار الجديد اللي ماعندوش تجربه……🤔
و لا مؤاخذه مش هنقدر على المصريين لو ساعدنا غيرنا يحتل مصر
المصري فرعون بطبعه 💪💪🤔
اهي مصر عملت بنيه تحتيه محترمه
تقدر تنتج
احنا نساعدها تقضي على البطاله
و تسددلنا الديون اللي عليها
و اهي شايله عننا كذا مليون من اللاجئين بدل ما يجولنا أوربا

انما مصر ايه
ما سكتتش
اولا قالتلهم
فلسطينيين ما باخدش 😡لإني كده هأقضي على القضيه
و بقية اللاجئين يقعدوا بالقانون اللي مصر واضعاه
ايوه
احنا اصحاب سياده على ارضنا
كله لازم يدفع
احنا مش أغنى من الخليج

و لو فتحتوا رابط الحوار
هتسمعوا ما يسركم
مصر ….دوله ذات سياده
و ماحدش يقدر عليها بفضل الله

و سلملي على اللي كان بيقول هناكل كباري و انفاق
شفت يا معلم الكباري و الانفاق جابتلك ايه
بس خد بالك
مافيش دلع
شيل اللحاف
و انزل اشتغل
مالكش حجه خلاص
الوظايف هتغرق البلد

يالله
ربنا يوسعها علينا جميعا 🤲

https://www.instagram.com/reel/C82gDBEN0ZC/?igsh=bGY0a3hzZTdia3Vj