فيه كلام بأتحرج أكتبه علشان ما يصحش
انما المواقف التي بتقابلها
بتفرضه عليك للأسف
دلوقتي
اما تكون غناك عباره عن fixed assets أصول ثابته يعني
انما مش معاك سيوله نقديه
امامك اختيارات
*اما انك تبيع اصولك الثابته…..تسيلها يعني
و الفلوس طبعا بتقل قيمتها مع الوقت الا لو شيلتها ذهب

**و اما انك تجيب حد يبني على ارضك
و الارباح تقسمها بالنصف بينك و بينه

***و اما انك تقعد تبكي على حالك
و تصوت و تولول…..و الكل تصعب عليه و ممكن يشحتوك قرشين

ممكن بقى كل واحد يختار الحل ……..
انت دلوقتي محتاج تاكل كل يوم انت و اولادك
فيها ايه لما تشارك واحد معاه فلوس
و انتم ال٢ تكسبوا
و ارضك كما هي ملكك
و على فكره فيه ناس كتير عملوا كده في اراضيهم البنا
يعني مش حاجه محدثه
دي كلنا بنعملها
الحكايه دي اسمها
استثماااااااااار

و هذا هو ما تعمله الدوله
بتجيب مستثمرين
شركاااااااااء
احنا بالأرض
و المستثمرين بالسيوله النقديه التي تشتري المكن و المعدات

و اللي هيسأل ليه ما كناش بنعمل كده زمااااااان

هنقوله
لإن ما كانش حد بيعبرنا
و لا عايز يستثمر عندنا
بسبب
١- الارهاب و عدم الأمان
٢- عدم وجود بنيه تحتيه …..بالعربي مافيش طرق ولا كباري

ياترى وضحت ؟!!!!!!!!!!!
عرفنا ليه اخي السيسي كان حريص على البنيه التحتيه
و طبعا حرصه اكتر على القضاء على الارهاب علشان احنا ايوه نور عيونه كما قال💪💪💪

و غير مصرح بالسخريه
الرأي المخالف مرحبا به
لكن سخريه .....لا
اختلف معي بموضوعيه
ناقشني
الحُجه بالحُجه
لكن سخريه لا ……ممنوع

الكلمه اللي كنت مستعيبه اكتبها بقى

يتخيبوا اكتر ما هم
لإنهم مش فاهمين

الفساد صح معشش
اتفضلوا نظفوا معانا و بلغوا عنه
الفساد هو اكبر عدو لنا

انما خيابه
نبطلها بقى
تعبتونا

الله ينور بصيرتكم
نفكر بقى شويه 😳😬
كلها امثله من الحياه
ماحدش علمهالنا
ربنا ينير البصائر