أنا عايز أعيش الدنيا

أنا باحب الحياه .........

جملتين 

بيتقالوا دايما من اشخاص 

بالعاميه كده

عايشين بالطول و بالعرض

علطول بيعملوا اللي في مزاجهم

هواهم يعني

الغريبه

انهم مش بيلاقوا سعادتهم الا في كده

في السهر و ملحقاته بالملاهي الليليه........بدون ذكر تفاصيل و تبعات ذلك

مش هاقولهم أيات قرآنيه ولا احاديث نبويه 

لإنهم

بيصعبوا عليٓ انهم محرومين.......،

هم فاكرين ان كل متع الدنيا في السهر

ما يعرفوش الملاهي الربانيه........

أيوه

هم بيمتعوا نفسهم بالملاهي البشريه التي من صنع البشر

و غيرهم

بيتمتع بملاهي من صنع الرب خالقنا

البحر و متعة البصر فيه و رؤية اللامحدود

و امواجه

لما تاخد همومنا لبير بعيييييييييد مالوش قرار

الخضره و متعة هواها النقي لما تملا روحنا بنسيمها العليل……

ومعها الأزهار و بدعها 

السما و نظرتنا ليها بنجومها و قمرها و التواصل مع الأحبه بدون نت

الطيبات من الرزق و تنوعها و روعة مذاقها

آثار من كانوا قبلنا و احساسنا و احنا بنسكن مساكنهم و نلمس تاريخهم و تفوقهم

الصحرا و جفاف هواها و متعة التفكر في اللا محدود

الجري أو حتى المشي مع انطلاق الروح

السياحه و جاذبيتها

اللبس و ألوانه و أشكاله

العطور و نشوتها

هأقول ايه و لا ايه و لا إيه

مين اللي محروم بقى من متعة الدنيا

هم

اللي حصروها في الخمر و الفاحشه.......،،

و لا غيرهم

اللي بيتمتعوا بصنع الله في الدنيا على أمل جنه ختم بيده على اسرارها!!!!!!!!!!

طيب ما رأيكم بقى ……. انا باعتبر الفنادق ال5* دي تشبه بالجنه ????????????

كل ما نعوز حاجه تجيلنا في دقايق ????

بالله عليكم

مين اللي بيعيش الدنيا بحق و حقيق……..بقى ????

خاصة

ان الحرام نسبته قليله جدا و ممكن كمان يتعوض بالحلال

المهم

نرى صح

بالبصيره

و ليس بهوى النفس الأماره بالسوء

إلا من رحم ربي