التجربه العمليه…..خير الوسائل لتحديد قرارنا🤔
لو الشغل هو اللي تاعبنا……
ناخد إسبوعين كده أجازه
حتى نهدأ
و نعرف نفكر كويس
و نقارن بين وظيفتنا و أي وظيفه تانيه بنفكر نشتغلها
أما لو عايزين نعمل شغل خاص
ف برضه
ناخد إجازه أولا انما لمده أكبر، سنه كده أجازه بدون مرتب من العمل
و قبلها نكون موفرين مرتب ٦ شهور على الأقل إن لم تكن سنه
أما لو كنا خارج مصر
و اتغربنا بعد تفكير و دراسه
فمعلش يعني
ما ينفعش نستقيل اطلاقاااااااا بسرعه وبدون تأني
الإستقاله ليست هي الحل……
لو ممكن ننقل لفرع تاني لمكان المشاكل
بيبقى حل وسط مناسب و مريح نفسيا على الأقل
أما لو كان option النقل غير متوفر
يبقى لازم النقل يكون جوه دماغنا 😳 احنا اللي نتغير
أيوه
الذكاء هو القدره على التكيف مع الوضع الجديد
الغربه دي …..حصار…..البحر من ورائكم و العدو أمامكم
لازم نواجه مشكلتنا و ندرس كل الثغرات
كل الطرق التي أدت للوضع الصعب ده لازم نتلافاها
لو المشكله في المدير
يبقى نقلل الtouch على قد ما نقدر
وما نحاولش نعترض على أفكاره قدام الناس
ممكن نراجعه في قراراته بيننا و بينه
لما بنعترض أثناء الإجتماعات كإننا بنقول للمدير إن رأيه غلط
و بنستعرض قدام الموظفين اننا بنفهم أكثر منه
و هذا ليس من اللباقه اطلاقا
و ليس ضمن" فقولا له قولا لينا"سورة طه
ده حتى لو كان فرعون 😳 القول اللين سيجعله يتراجع
انما التحدي لا يتناسب مع رغبتنا في التغيير
أي مغترب مش سايب اهله علشان يسيطر
هو سافر لإنهم هناك محتاجينه
و عملوا اعلانات علشان كده …..يا ناس يا هووووه محتاجين موظفين
فالشغل ليس فيه أي تنازل عن الكرامه مادام في حدود الوصف الوظيفي لكل مؤهل
لذلك
لازم نفكر جيدا و بدقه قبل السفر للعمل خارج مصر
و طبعا قبل ترك وظيفتنا داخل مصر
فالحكمه هي تقدير عواقب الأمور
أما لو كانت المشكله مع زملاء العمل
يبقى نقلص تعاملنا معه و نجعله رسمي إلى أن نستطيع تغيير احتكاكنا بذلك الزميل

نفس إسلوب العلاج…… بالتجربه
هنقوله عند دراسة أي #مشكله_زوجيه
مافيش مشكله مالهاش حل
هذه قاعده عامه لا يشذ عنها سوى النادر من الصعوبات
فلو الأثنين لديهم نضوج عقلي
فيجب عليهما قبل هدم الأسره
من أخذ #إجازه_زوجيه
الواحد و هو جوه المشكله مش بيشوفها بوضوح
انما لما بيخرج منها
بتتضح له الرؤيا جيدا
بيقدر يحدد نقاط الخلاف
و مادام ال٢ عاقلين
أكيد كل واحد فيهم هيتنازل شويه من ناحيته علشان خاطر الطرف التاني أولا
و علشان خاطر الأولاد ثانيا
أيوه الحقيقه
لازم تكون هذه النقطه واضحه في ذهننا
احنا عايزين نكمل حياتنا سويا ولا لأ ؟!!!!!!!
الذكريات المشتركه ليست بالشئ الهين
المرحله العمريه لها عامل قوي خاصة لما ما يبقاش فاضل وقت نكون فيه ذكريات جديده
حفظ عيوب كل طرف لشريكه شئ خطير جداااااااا
لإن مافيش حد مافيهوش عيوب