ما تيجوا ناخدها من الآخر 😳

ولو انه مش وقته 🤔
انما معظم المصريين بيحتفلوا أكتر يوم ٧ يناير
يبقى ممكن أتكلم اليوم

فيه حاجات بنحتاج ناخدها من الآخر كده ……
لما نناقشها 🤔
هو ديننا عندما أباح الزواج من اهل الكتاب
ما كانش ضمنه ان هييجي يوم عيد عند أهل الكتاب !!!!!
تفتكروا ان ساعتها الزوج مش هيهنيها
و يقولها كل سنه و انت طيبه يا أم ولادي ؟!!!!!
معلش يعني …..يمكن أنا مش واخده بالي😳
طبعا ده غير انه هيشتري لها ملابس العيد هي و أولاده
صح ……ولا انا غلطانه 😳😳
يبقى ينفع نحرم عليه يهنيها و هي في بيته 😳😳😳

لما بقى نيجي نلاقي لسه شيوخ بيحرموا تهنئة غير المسلم بأعياده
يبقى هو شيخ بيستعمل العقل و القياس و كل أدوات الفقه ؟!!!!!!!
مش معقول بصراحه
نبقى ناس مثقفه و متعلمه و لسه بنردد كلام أشخاص غير أذكياء بيرددوا من سبقوهم بدون تفكير
الفقيه لابد أن يتحلى بالذكاااااااااااء😳😳😳😳

أقول ايه بس
بعد كل التكريم في القرآن لأهل الكتاب
كلما نقرأ أيه واحده ممن يخاطب الله سبحانه و تعالى بها أهل الكتاب
بيخاطبهم بكل توقير و احترام
وبيختلف مع بعض افكارهم طبعا
لكن بيحضنا على حبهم و بالذات أهل كتاب الإنجيل

" وَلَتَجِدَنَّ أَقْرَبَهُم مَّوَدَّةً لِّلَّذِينَ آمَنُوا
الَّذِينَ قَالُوا إِنَّا نَصَارَىٰ ۚ
ذَٰلِكَ بِأَنَّ مِنْهُمْ قِسِّيسِينَ وَرُهْبَانًا
وَأَنَّهُمْ لَا يَسْتَكْبِرُونَ (82)سورة المائده

ارجوكم بقى
نرحم أنفسنا
و نبطل نحكي في المحكي
الظاهر انكم مش هتقدروا ايمان أخوتنا أهل الكتاب المسيحيين
الا لما تتناقشوا مع ملحدين
علشان تميزوا الفرق بين المؤمن بالله
و الكافر

"قَالَ اللَّهُ هَٰذَا يَوْمُ يَنفَعُ الصَّادِقِينَ صِدْقُهُمْ
لَهُمْ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا
ۚ رَّضِيَ اللَّهُ عَنْهُمْ
وَرَضُوا عَنْهُ
ذَٰلِكَ الْفَوْزُ الْعَظِيمُ (119)
سورة المائده
السوره قبل الأخيره في نزول القرآن الكريم

" قل هو الله أحد
الله الصمد
لم يلد
و لم يولد
و لم يكن له كفواً أحد"
سورة الصمد
تعادل ثلث القرآن لوحدها
نشهد ألا إله إلا الله
و أن محمداً رسول الله
صلى الله عليه و سلم

بالمناسبه

كل سنه و حضراتكم طيبين👍