ما أحلى ألا تفعل شيئا…..ثم ترتاح قليلاً????

أكيد كلنا فاكرين نفسنا و احنا في المدرسه
كان فيه ناس بتبكي لو بس نقصت درجه واحده أو نصف درجه حتى
و كان فيه ناس لا ترضى لنفسها إلا التفوق
انها تكون ضمن الأوائل
و كان فيه ناس بتشتغل على قدها
مش عايزه تتعب
و ناس يادوب عايزه تنجح
و في الآخر
الكل نجح
و عدى عنق الزجاجه????
انما مصيره اختلف
على قد تعبه
على قدر مشقته و تضحيته في سبيل كليه معينه
كلنا أكيد بنحب الراحه
ما أحلى ألا تفعل شيئا......ثم ترتاح قليلا????????
لكن لما بيبقى قدامنا هدف معين
بنتعب علشانه
و نفضله على الراحه
بالضبط ده بيحصل مع التفكر بخصوص مصيرنا في الآخره
فيه ناس هدفها الفردوس الأعلى
فيه ناس نفسهم يظلهم الله ب ظله
يوم لا ظل الا ظله
ضمن السبعه المذكورين
و فيه ناس عايزه بس تدخل الجنه وخلاص
وناس
يكفيها النجاه من النار
و لو الأعراف
من الذين خلطوا عملا صالحا بآخر سيئا
عسى الله ان يغفر لهم
عايزين نساعد بعض على الفوز بالجنه
*لا تحقرن من المعروف شيئا .....ولو ان تلقى اخاك بوجه طَلِق ( مبتسم )
عايزين نشجع بعض اننا *نتبع السيئه بالحسنه ....... لنمحها ( من المحو = المسح و الإزاله)
*.........من معاني الأحاديث النبويه
كي ننجو من النار
يلزمنا ان نعترف بلا إله إلا الله
و نعترف ان سيدنا محمد صلى الله عليه و سلم ضمن رسل الله
و أن الله لم يلد و لم يولد و لم يكن له كفواً أحد
ليس كمثله شئ.......كفوا: مكافئ أو مساوي
نجينا من النار الحمد لله
نشوف بقى مكتب التنسيق هيوزعنا على انهو مرتبه في الجنه
هي دي كل الحكايه
ربنا الرحمن مش بس الرحيم
الرحيم بتتقال في حق البشر
لكن لفظ الرحمن خاص بالله فقط لا غير
ربنا الغفور الغفار
ربنا الودود اللطيف الحنان
الله محبه
ربنا طيب قوي ......هو اللي خلق لنا الورد و البحر ......البديع
نبطل نحكم على مصائر الاموات .........إحنا ماعرفناش اسرارهم
هم كانوا بيحبوا ربنا
لكن
ما عرفوش يتفوقوا
حتى المتفوقين قدامنا كتير بيطلعوا منافقين
المهم نخلينا في حالنا بالذات في موضوع تنسيق الآخره
عايزه اختم بأيه تمس القلب
و تشعرنا قد ايه ربنا لطيف
"۞ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ
وَمَا نَزَلَ مِنَ الْحَقِّ " سورة الحديد
شوفوا ربنا ازاي بيخاطب من عصاه من المؤمنين
لو ناخد بالنا كويس من القرآن
هنلاحظ ان أيات العذاب
معظمها نزلت في الكافرين و المشركين أو المنافقين من المؤمنين
لكن العصاه من المؤمنين مش طالب منهم الا التوبه
و انهم يتبعوا السيئه بالحسنه
و طبعا كل واحد و طموحه لتنسيق الآخره

"وَآخَرُونَ اعْتَرَفُوا بِذُنُوبِهِمْ خَلَطُوا عَمَلًا صَالِحًا وَآخَرَ سَيِّئًا
عَسَى اللَّهُ
أَن يَتُوبَ عَلَيْهِمْ ۚ إِنَّ اللَّهَ غَفُورٌ رَّحِيمٌ (102) سورة التوبه
آخر سوره نزلت من القرآن

"لَا يُكَلِّفُ اللَّهُ نَفْسًا إِلَّا وُسْعَهَا
ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ
رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا ۚ
رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا
رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ
وَاعْفُ عَنَّا
وَاغْفِرْ لَنَا
وَارْحَمْنَا ۚ
أَنتَ مَوْلَانَا
فَانصُرْنَا عَلَى الْقَوْمِ الْكَافِرِينَ (286)سوره البقره

نسيت اقولكم
إن بقدر مشقة الطاعه لله
بقدر درجاتنا
و المصحح هو اللي عالم بمجهودنا