هو احنا هنكدب حياتنا

هنمحي تاريخنا و ذكرياتنا

جدي كان بيتعالج عند د ديفيد ( يهودي) و د ألبير مسيحي

و كان جاره في أرضه الزراعيه دار النصارى و كان بيحبهم جدا

والدي كان أصدقاؤه الأستاذ موريس والأستاذ صادق

انا كانوا مدرسيني أبله إقبال الجميله و مسز بهجه و مسز كوكب في الإعدادي

و مسز لوريس و الأستاذ إسحاق و الإستاذ فايق في الثانوي

بابا كان موجه بالتربيه و التعليم بمنطقة غرب الإسكندريه و كان بيزور مدرسة سان شارل بورميه كلها راهبات

و قالي ان مديرتها بتهتم بمادة الدين الإسلامي إهتماما بالغا و الكلام هذا منذ السبعينات

عايزني مثلا أنزع وجداني

علشان شخص مسيحي متهم في قضيه مع طفل مسلم

ازاي شرذمه ليس لها هدف سوى ان ترى مصر مثل جيرانها مشتعله و محتله

أهل الشر

ازاي يسوقونا قدامهم كده زي النعاج

و متأكده ان بداخل وجدان كل مصري العديد من المصريين على غير ديانته

بقى كل شعوب العالم بتيجي ترتاح عندنا

و تعيش الألفه التي تلفنا

و هؤلاء الشرذمه …..عايزين يضيعوا علينا عزنا

قم يامصري

و إمسح تراب الفتنه من على ثوبك

ده انت على طول الزمان مشهور بزوقك

مع الغريب قبل القريب و اللي من بعيد أوبك

قم و إطرد بعصاك الشر اللي اتفجر من ورا قلوبك

تحيامصر

تحيامصر

تحيامصر