على قد تفكيري…..
ماعرفتش يعني إيه بلد تحتويك إلا لما سافرت بره مصر
ماحنا طول عمرنا بنعلم ولادنا خاص
و بنتعالج برضه خاص
و طبعا بنسكن خاص مما تركه لنا أهالينا
طول عمري ماعرفش معنى الدوله الا انها في المصالح الحكوميه
و أقسام الشرطه عندما كنت أجدد البطاقه الشخصيه ( مسمى الرقم القومي زمان)
و الجوازات عندما أجدد جواز السفر
و في المواصلات
و في رصف الشوارع و المطبات
و عندما يعتدي علينا غاشم 😳
هذا كان مفهوم الدوله بالنسبه لي
طوال عدة عقود من الزمن
و خلال عدة رؤساء حكموا مصر في حياتي و حياة والداي
عمرنا ما انتظرنا دخل من الدوله
بسواعدنا و شهاداتنا التي درسناها بالجامعات الحكوميه المجانيه كنا نسعى على رزقنا
لذلك
مش مستوعبه ماذا يحدث الآن ؟!!!!!!!!!!!
وليه ما كانش بيحدث زمااااااااان و بالذات الزمن القريب خلال التسعينات و بداية الألفيه
ليه كانت كل الناس ساكته و راضيه و هي بتاخد على …..رقبتها من ورا 😳
و ماذا تغير كي يتفرعن الناس كده و يتبطروا على معيشتهم و يطالبوا الدوله ب دور…..لم تقم به عمرها قبل كده
ليه كل ده ؟!!!!!!!!
لأ
و نلاقيهم بيقاوموا التحديث و الإبتكار
و بيقارنوا بيننا و بين بلاد ربنا إختصها برزق من عنده
أمطرت عليهم السماء ذهب و فضه
كل ده كان ليه ………..
ليه بقينا نطالب الدوله ب دور عمرها ما قامت به في السابق؟
بتقولوا علشان الغلاء
طول عمر الدنيا فيها غلااااااااااء و راجعوا افلام زمان
كمان كرونا و أوكرانيا ثم غزه…..أشعلوا الغلاء مش زودوه فقط

جايين نعترض و أحنا يا دوب على أعتاب إحساسنا ان فيه دوله 😳
أيوه
دوله حدثت كل مؤسساتها
أيوه
الوضع أفضل من زمان بمراحل
أساليب تعليم جديده و متطوره تواكب العصر
و أفضل من سابقيها بمراحل
الجامعات بقت أنواع غير الحكوميه عندك أهليه و خاصه و كل ما يحفظ ولادك في حضنك و ما يتغربش عنك
حتى الصحه إتحسنت عن السابق
طيب المصالح الحكوميه …..برضه اتنظمت أكتر
نيجي بقى للطرق…..حداثه لا توصف و الأعمى يشوفها
كباري وفرت وقت و جهد عمر الادارات السابقه ما عملتها في حياتها
لما كانوا بيبنوا كوبري كل عشر سنين …..كان بيبقى حدث تاريخي
نيجي بقى للإسكان…..بقى زي البلاد اللي بصحيح ….و أكثر
بقى #المعدم بياخد شقه بالعفش و يقسط كل شهر قروش على مدى ٣٠ سنه
و المواطن العادي أمامه اختيارات لشراء شقه أو قطعة أرض و برضه بالتقسيط على ٢٠ -٣٠ سنه
بقينا بلد بصحيح
بعد كل ده
ألاقي من ييجي في الهايفه …..و يتصدر
بيتعلموا …..الخيابه فعلا

اللي عايز يقارن
يقولي كان زمان ازاي…..و أصبح دلوقتي إزاي
مش يجيبلي العالم الأول يقارنلي نفسه بيه
و الفقير بقى
ماحدش يتكلم بإسمه
لإن مافيش بلد في العالم كله
الدولار فيها بيشتري ألف رغيف
سيبوا الفقير في حاله المتحسن
و دوركم تؤدوا زكاة أموالكم
علشان احنا الطبقه المتوسطه اللي بقينا فقراء لحرماننا من أسعار التموين الزهيده

اللي طالبينه صحيح هو الرقابه على الأسواق و القضاء على الفساد بمساعدتنا احنا الشعب
و الحمد لله صابرين و راضيين و شاكرين
لإن البلد بقت قد الدنيا
و كلمتها مسموعه و ماشيه على رقبة الكبير قبل الصغير
فعلا
بقينا بلد بقوة عسكريه غير عاديه
بتحديثات فكريه غير مسبوقه
و بعاصمه إداريه تساوي أعظمها بلد في الدنيا

و في كل ده
هناكلها ب كحك و دُقه
علشان مستورين جوه بلدنا
لا اتشردنا ولا اتبهدلنا
بلدنا لها أسد مخابراتي قائدها

كل واحد مننا يتشطر كده و
ويروح يتجدعن و يبطل كسل ويجري على أكل عيشه
لإن عِرضه و شرفه متصان
جوه بلد الأمن و الأمان

ولا أنا غلطانه