لتعيشوا عيشة أهاليكم…..يا جيل يا جديد

في كلمتين كده
مش ولابد
بينشروا على الفيس اليومين دول …….
طبعا مش هأكتبهم…..🙃🙃🙃
و كل لبيب بالإشارة يفهم…..بالعاميه؛ الحدئ يفهم🤔
الحقيقه من يروج لهم من جيل الثمانينات و التسعينات….و ربما من هم أحدث أيضا
لذلك أحب أقولهم
إسألوا أباءكم و أجدادكم عن زمن السادات و من قبله عبدالناصر
إسألوهم ، من صاحب مقولة: أربطوا الحزام 🙄
إسألوهم عن أيام ما قبل السداح مداح اللي سموه الإنفتاح………
مع كل ما عاناه الأباء و الأجداد …..ماحدش قال كما تقولون الآن
مع انهم حاربوا و إتبترت أعضاءهم و أستشهد من أُستشهد
و عمر ما حد تجرأ و قال كلمه ……رغم الألام و الأحزان
حتى بعد ما عبدالناصر أعلن خطأه و تنحيه
خرج الشعب يقوله لا ……هنحارب …..هنحارب
و ماحدش يقولي تمثيليه فذلك إدعاء أهل الشر وليس الحقيقه
سمعت لمحلل سياسي قدير رحمة الله عليه
أن مافيش رئيس في الدنيا خبير في كل المجالات
كل رئيس بيبقى خبير في تخصصه
طيب و باقي التخصصات يعمل فيها ايه ؟؟🤔
بيبقى له مستشارين في كل مجال…..
و يعرضوا عليه الحلول و الرئيس يختار من بينها ما يتفقوا عليه هو و مجلسه الإستشاري
و التجربه هي ما تثبت صحيح إختياره من عدمه
لكن جيلكم الجديد ده
أول جيل يتجرأ بالشكل ده و ينخر في عظامنا بالطريقه دي
ايوه في غلاء لا أنكر ذلك
و طبعا المسؤلين مقصرين في ضبط الأسواق لا نقاش
لكن فيه حدود في المخاطبه
اللي عنده حلول يتفضل يقدمها من خلال الطرق الصحيحه
انما اعلان الكراهيه هذا لا يصح بمواطن مصري
المصري الأصيل لا يفعل ذلك
مش كفايه أهل الشر المنافقين
مش كفايه عدونا اللي من جوانا
مش كفايه انهم بيمسخوا كل حاجه حلوه في بلدنا
لا
لازم انتم تيجوا و تكتبوا ما هو أمسخ من كل هذا
بس على فكره
انتم كده أكدتم ان فيه في مصر حريه …….
غير خالص ما بيدعي أهل الشر
يعني انتم شهدتم على انفسكم
و لو عندكم رؤيه لمن حولكم
هتكونوا عرفتم انكم لديكم حريه تساوي الحريه بما يسمى دول العالم الأول
التي يُسجن فيها المواطن بسبب …..بوست عالفيس أو تغريده على منصة x أو حتى تعليق
بل بيهددوه بسحب الجنسيه منه
و خلاصة القول
اللي مش عاجبه مصرنا
يتفضل يروح غيرها
يمكن ساعتها بس
يقدر قيمتها
يقدر …..يعني ايه كلمة وطن 🙏
و حقيقي
زعلانه منكم يا جيل يا جديد
و بكره تكبروا و تفهموا كلامي……
ربنا يهديكم و ينور بصيرتك
و يالله
أربطوا الحزاااااااااام
و عيشوا عيشة اهاليكم و بلاش فشخره كذابه