أي مصري بيسافر خارج مصر
و بالذات لدول العالم الأول
بيعجبه قوي نظامهم
و بيتبع النظام هو كمان
و بيتعجب بينه و بين نفسه
ليه ما عندناش هذا النظام !!!!!!!!!!!!!
طبعا
لو فكرنا شويه
و بحثنا حبتين
هنلاقي
انهم بشر زينا
و كانوا الى حد كبير غير منظمين!!!!!
أومال ماذا حدث ؟
و ماذا حولهم كده انهم يبقوا منظمين ؟!!!!!!!

الإجابه هي : سيادة القانون
زمان كانوا غوغائيين زينا
لكن صدر عندهم قوانين عقابيه 😳ايوه عقابيه😳 و غرامات ماديه 😳 و تقلي قوي على ماديه دي 😬
لإن اكتر حاجه بتوجع هي تغريم الفلوس ال money 😳
كل مخالف للقانون اما اتحبسله كم يوم كده
أو اتغرمله لوكشه حلوه كده من الجنيهات
قاموا اتأدبوا
بعد ذلك الجيل الذي أدبته القوانين
جاء جيل جديد
القانون يجري في دمه
فذلك الجيل
نشأ و ترعرع في ظل جيل متأدب من القوانين و ملسوع منها💪
فكانوا هذا الشعب الذي نراه و نستحسنه

دلوقتي بقى
تعالوا نقارن
ايام عبدالناصر
كان الشعب بيتحكم بالحديد والنار و اسألوا جيل الخمسينات
و شوفوا الفن كان بيقول ايه
لما فيلم -شئ من الخوف -يتعرض على عبدالناصر ٣ مرات لغاية ما يصرح بعرضه 😳 نفهم كيف كان دور الفن الراقي في التعبير
و احنا برضه جيل الستينات لحقنالنا كم كلمه كده نسمعها منه
جالنا السادات
فتح الباب على مصراعيه لإخوته و عائلته …………
و برضه نتابع افلام السبعينات علشان نفهم الجو كان ازاي
كان تنفيس عن فترة عبدالناصر
مثل فيلم احنا بتوع الاتوبيس و فيلم الكرنك
ثم بقى عهد التوريث البلاك
الذي تمخض عنه كل فنون الثمانينات و التسعينات و ما بعدها
أسجل منها ما كتبه و حلله أسطورة الدراما الاستاذ المرحوم اسامه انور عكاشه
الذي شخص سبب انحدار اخلاق الشعب المصري بجملة

أخلاق الزحام

و المرحوم المبدع الاستاذ وحيد حامد
الذي لخص حالنا بجمله في قصته طيور الظلام

احنا ناس الباطل بتاعهم
لازم يكون قانوني

جمله مبكيه🥲 على ما آل له حالنا
و للأسف
ان اعداء مصر بينشروا مقاطع معظمها ان لم يكن كلها
من فنون نقدت حقبة التوريث !!!!!!!!!!!!
مثل فيلم - معالي الوزير 🙃
مش هاعرف أصف كمية التدليس التي يقترفوها
( التدليس ألعن من الكذب
التدليس قلب الحق ….باطل
وقلب الباطل حق
و العياذ بالله)
عايزين اللي ينشر مقطع
نقوله ….فتح عينك….هذا كان عهد التوريث يا …..ناشر

شوفوا بقى انحدار اخلاق منذ عهد الانفتاح حتى اليوم……
لازم نعمل قوانين تعالج كمية هذا الباطل الذي تغلغل في مجتمعنا كسرطان درجه رابعه غير قابل لإجراء عملية استئصال للورم
Inoperable
مش بينفع علاجه الا بالكيماوي و الإشعاعي أو الهرموني
أو للأسف تغيير دم المريض 😳
و لن تَصلُح مصر الا بما صلح به كل شعوب العالم

سيادة القانون

العقاب لكل من اخطأ
العقاب بالسجن أو الغرامه الماليه ….التي تلسع 👌

نداء لوزير العدل
نرجوك

عايزين قوانين رادعه لكل مخطئ

نريد عودة الروح لبلدنا
فالعلم ان لم تكتنفه شمائل ( أخلاق و سلوك)
تعليه
كان مطية الإخفاق

لشاعر النيل حافظ إبراهيم

عودة الروح لبلدنا هي عودة الأخلاق و القيم و السلوك
سيادة القوانين الرادعه هي الحل 💪💪💪
مش هتنفع الطبطبه 😳