هو مش احنا كلنا مصريين ؟!!!!!
ليه فيه فئه أصبحت مش بتحبنا ؟
أكثر من ذلك
دول مش بيطيقونا أصلا
مع اننا لما مسؤلهم مسك في ٢٠١٣ ما كناش احنا مش بنطيقوهم
مع اننا كنا مش بنطيق مسؤلهم 👎
و مع ذلك
فرقنا بين السياسه…..و بين موقعهم في قلوبنا 👍

ليه لما اختيارنا هو اللي حكم
ما باقوش طايقنا لا في سما ولا في أرض
مش عايزين يشوفوا وشنا أصلا!!!!!!!!

اللي هيقولي علشان ربنا……
طيب مهو ريسنا بيعبد ربنا برضه سبحانه و تعالى
و بعدين يعني هو اختيارهم لما مسك منع الموبقات مثلا ؟!!!!
بالعكس
ده بدل تصاريح الملاهي الليليه ما كانت سنه
خلاها ٣ سنوات 😳 أيوه احنا مش بننسى

طيب يا بتوع ربنا
هو مش فيه حديث صحيح بيقول

{ثلاثٌ مَن كُنَّ فيهِ وجدَ بِهِنَّ طعمَ الإيمانِ
، مَن كانَ اللَّهُ ورسولُهُ أحبَّ إليهِ مِمَّا سواهُما ،
وأن يُحبَّ المرءَ لا يحبُّهُ إلَّا للَّهِ
، وأن يَكْرَهَ أن يعودَ في الكفرِ
بعدَ إذ أنقذَهُ اللَّهُ منهُ
كما يَكْرَهُ أن يُقذَفَ في النَّارِ}

هو الريس عمل ايه مخالف لشرع الله ؟
فاكرين الآيه الكريمه من سورة الحجرات

"وَإِن طَائِفَتَانِ مِنَ الْمُؤْمِنِينَ اقْتَتَلُوا

فَأَصْلِحُوا بَيْنَهُمَا

فَإِن #بَغَتْ إِحْدَاهُمَا عَلَى الأُخْرَى

فَقَاتِلُوا الَّتِي تَبْغِي

حَتَّى تَفِيءَ إِلَى أَمْرِ اللَّهِ
فَإِن فَاءَتْ فَأَصْلِحُوا بَيْنَهُمَا
بِالْعَدْلِ
وَأَقْسِطُوا
إِنَّ اللَّهَ يُحِبُّ الْمُقْسِطِينَ

إِنَّمَا الْمُؤْمِنُونَ إِخْوَةٌ
فَأَصْلِحُوا بَيْنَ أَخَوَيْكُمْ
وَاتَّقُوا اللَّهَ لَعَلَّكُمْ تُرْحَمُونَ"

ربنا قايل إن طائفتان من المؤمنين إقتتلوا
يعني احنا و هم مؤمنين
و فعلا
كانوا بيقتلونا و الصور و الفيديوهات شاهده على كده
بينما نحن نزلنا بورقه فقط لاغير
الجيش دخل ينفذ أمر ربنا

"فأصلحوا بينهما"
يعني الجيش لم يفعل سوى أمر الله
هم
رفضوا الصلح
و رفضوا المهله التي حددها المجلس الرئاسي
و أصروا على قتلنا
و رفعوا السلاح ضدنا و في الشوارع كمان
تحت بيتي لم يخبرني احد
ربنا أمر
"فقاتلوا التي تبغي"
و هم بغوا ( ظلموا )علينا فعلا
الجيش ما عملش حاجه الا انه نفذ أمر الله
و هم لم يفيئوا ( يرجعوا ) لأمر الله
و ظلوا يروعونا ثم يقتلونا
و قال قائدهم بالفم المليان
ايه يعني لما يموت مليون و كلنا سمعناه…..كلنا شهود عيان
و اللي معاه هددونا بداعش في سينا
عيانا بيانا …..جهارا نهارا

هل مثلا كنتم عايزين الجيش يسيبهم يقتلونا
احنا اللي نازلين بورقه
ايوه مش عايزين مسؤلهم
مش عايزين بلدنا تبقي ميليشيات زي اسيادهم في ايران
و مش عايزين بلدنا تتدمر زي افغانستان

لكن احنا ما عملناش غلط
ازاي كل ده يعدي منذ ٢٠١٣
و هم لسه بيعاملونا ب ……غلللللللللل كده
بالله عليكم
هل هذا دين ؟!!!!!!
ربنا هو اللي أمر  بالعدل وبالقسط مع المعتدين
و المعتدون من يومها امام القضاء
العادل
و اثبتوا خيانتهم للبلد بالصوت و الصوره

و دول يا أخي ولا أي استجابه
ودن من طين و ودن من عجين

و كما دعا المدعو صبحي صالح
اللهم يميته على دين الإخوان
انا كمان بأقولكم
ان دين ربنا ليس الاخوان
دين ربنا منذ ١٤٠٠ سنه هجريه
و ليس منذ ٩٢ سنه (منذ بدئ جماعتهم ١٩٢٨ ميلاديه)
الناس كانت مسلمه قبل دين الإخوان

عموما هي كلمه الواحد بيحاول
يستثير عقيدتهم
ربما تفلح
و ربنا يهديهم و ينور بصيرتهم
و يبطلوا ذلك الغل و الكراهيه
فقلب المؤمن لا يتسع للكراهيه و الغل و الحقد مع وجود الإيمان

و الحمد لله،،،،،،،،،، الله الغني عن دينهم الإخواني
و لا حول ولا قوة الا بالله